Raaz-e-Ulfat Chupaa Ke Dekh Liya - Faiz Ahmed Faiz

Raaz-e-Ulfat chupa ke dekh liya
Dil bohot kuch jala ke dekh liya

Aur kia dekhne ko baaqi hai
Aap se dil laga ke dekh liya

Wo mere ho ke bhi mere na huey
Un ko apna bana ke dekh liya

Aaj un ki nazar mein kuch hum ney
Sab ki nazrein bacha ke dekh liya

Faiz, taqmeel-e-gham bhi ho na saki
Ishq ko aazmaa ke dekh liya

Aas us dar se toot-ti hi nahi
Jaa ke dekha, na jaa ke dekh liya*

*These two lines are naqsh-e-fariyaadi.