Dost Gham Khuari Mein Meri Sa'ee Farmaein Gey Kia - Mirza Ghalib

Dost Gham khuari mein meri sa'ee farmaein gey kia
Zakhm k bharney talak naakhun na barh jaaein gey kia

Bey niazi hudd se guzri banda parwar kab talak
Hum kahein gey haal-e-dil aur aap farmaaein gey kia

Hazrat-e-naaseh gar aaein deedah-e-dil farsh-e-raah
Koi mujh ko ye tou samjha do k samjhaaein gey kia

Aaj waan tegh-o-kafan baandhey huey jaata hun main
Uzr mera qatl karne mein wo ab laaein gey kia

Gar kiya naaseh ne hum ko qaeid, acha yun sahi
Ye junoon-e-ishq k andaaz chutt jaeingey kia

Khaana zaad-e-zulf hein, zanjeer se bhaagein gey kia
Hein giraftaar-e-wafa zindaan se ghabraaein gey kia

Hai ab is maamoor mein qehat-e-gham-e-ulfat Asad
Hum ne ye maana ke Dilli mein rahein, khaaein gey kia