Garmi-e-Ishq-e-nazaara Ka Asar Tou Dekho - Faiz Ahmed Faiz

Garmi-e-ishq-e-nazaara ka asar tou dekho
Gul khiley jaatey hain wo saaya-e-dar tou dekho

Aisey naadaan tou na thay jaan se guzarney waley
Naaseh-o-rahbar-o-raahguzar tou dekho

Wo tou wo hain tumhein ho jaaey gi ulfat mujh se
Tum ik nazar mera mehboob-e-nazar tou dekho

Wo jo ab chaak giraibaan  bhi nahi karte hain
Dekhney waalo kabhi un ka jigar tou dekho

Daam-e-dard ko gulzaar bana rakha hai
Aao ek din dil-e-pur-akhoon ka hunar tou dekho

Subh ki tarah jhamakta hai shab-e-gham ka ufaq
Faiz taabindagi-e-deeda-e-tar tou dekho