Wafa Ke Khwaab Mohabbat Ka Aasra Ley Jaa - Ahmed Faraz

Wafa ke khwaab, mohabbat ka aasaraa ley jaa
Agar chala hai tou jo kuch mujhe diya, ley jaa

Maqaam-e-sood-o-ziyaan aa gaya hai phir jaanaan
Ye zakhm mere sahee, teer tou uthaa ley jaa

Yahi hai qismat-e-sahaara yahi karam tera
Ke boond boond ataa kar ghata ghata ley jaa

Ghoroor-e-dost se itna bhi dil-shikastaa na ho
Phir uth ke saamney daaman-e-iltejaa le jaa

Nadaamatein hon tou sar baar-e-dosh hota hai
Faraz jaan ke aiwaz aabaroo bacha ley jaa