Abhi Kia Kahein, Abhi Kia Sunaaein - Mohsin Naqvi

Abhi kia kahein, abhi kia sunaaein
Ke sar-e-faseel-e-sukoot-e-jaan
Kuf-e-roz-o-shab pe sharar-numa
Wo jo hurf jurf charaagh tha
Usey kis hawa ney bujha diya

Kabhi lub hilein gey tou puchna

Sar-e-sahar-e-ahd-e-wisaal-e-dil
Wo jo nikahaton ka hujoom tha
Usey dast-e-mauj-e-firaaq ney
Tah-e-khaak kab sey mila diya

Kabhi gul khilein tou puchna

Abhi kia kahein abhi kia sunaaein
Yun hi khwaahishon ke fishaar mein
Kabhi bey-sabab kabhi bey-khalal
Kahaan kaun kis sey bichar gaya

Kabhi phir milein gey tou puchna