Shaikh Saahab Sey Rasm-o-Raah Na Ki - Faiz Ahmed Faiz

Shaikh saahab se rasm-o-raah na ki
Shukar hai zindagi tabaah na ki

Tujh ko dekha tou sar-e-chashm huey
Tujh ko chaaha tou aur chaah na ki

Tere dast-e-sitam ka ajz nahi
Dil hi kaafir tha jis ne aah na ki

Thay shab-e-hijr kaam aur bohot
Hum ne fikr-e-dil-e-tabaah na ki

Kaun qaatil bacha hai sheher mein Faiz
Jis se yaaron ne rasm-o-raah na ki