Sunaaney Ko Bheer Hai Sar-e-Mehshar Lagi Hui - Faiz Ahmed Faiz

Sunaaney ko bheer hai sar-e-mehshar lagi hui
Tohmat tumharey ishq ki hu par lagi hui

Rindon ke dum se aatish-e-maey ke baghair bhi
Hai maey-kadey mein aag baraabar lagi hui

Aabaad kar ke sheher-e-khaamoshaan har aik soo
Kis khoj mein hai taigh-e-sitam-gar lagi hui

Jeetey thay yun tou pehley bhi hum jaan pe khel kar
Baazi hai ab ye jaan sey arh kar lagi hui

Laao tou qatal-naama mera, main bhi dekh lun
Kis kis ki mohar hai sar-e-mahzar lagi hui

Aakhir ko aaj apney lahoo par hui tamaam
Baazi meyaan-e-qaatil-o-khanjar lagi hui