Donon Jahaan Teri Mohaabat Main Haar Ke - Faiz Ahmed Faiz

Donon jahaan teri mohabbat mein haar ke
Wo ja raha hai koi shab-e-gham guzaar ke

Weeraan hai maey-kada khum-o-saagar udaas hai
Tum kia gaey ke rooth gaey din bahaar ke

Ik fursat-e-gunaah mili, wo bhi chaar din
Dekhey hain hum ne hausley parwar-digaar ke

Duniya ne teri yaad se baigaana kar diya
Tujh se bhi dil-faraib hain gham rozgaar ke

Bhooley se muskura to diye thay wo aaj Faiz
Mat puch walwaley dil-e-naa-kardah-kaar ke