Gulon Mein Rung Bharey, Baad-e-Nau-Bahaar Chaley - Faiz Ahmed Faiz

Gulon mein rung bharey, baad-e-nau-bahaar chaley
Chaley bhi aao ke gulshan ka kaarobaar chaley

Qafas udaas hai yaaro, saba se kuch tou kaho
Kaheen tou bahr-e-Khdua aaj zikr-e-yaar chaley

Kabhi tou subh teri kunj-e-lub se ho aaghaaz
Kabhi tou shab sar-e-kaakul se mushkbaar chale

Bara hai dard ka rishta, ye dil ghareeb sahi
Tumharey naam pe aaein gey ghum-gusaar chaley

Jo hum pe guzri hai so guzri magar shab-e-hijraan
Hamaarey ashk teri aaqabat sanwaar chaley

Huzoor-e-yaar hui daftar-e-junoon ki talab
Girah mein le ke geraibaan ka taar taar chaley

Muqaam Faiz koi raah mein jacha hi nahi
Jo koo-e-yaar se niley tou soo-e-daar chaley