Ishq Mein Jee Ko Sabr-o-Taab Kahaan - Meer Taqi Meer

Ishq mein jee ko sabr-o-taab nahi
Us se ankhein lageen tou khwaab kahaan

Bey-kali dil hai ke tamaasha hai
Barq mein aisey izteraab kahaan

Hsati apni hai beech mein pardah
Hum na howein tou phir hijaab kahaan

Giriya-e-shab sey surkh hain aankhein
Mujh bala-nosh ko sharaab kahaan

Ishq hai aashiqon ko jalaaney ko
Ye jahannum mein hai azaab kahaan

Mehv hain is qitaabi chehrey ke
Aashiqon ko sar-e-kitaab kahaan

Ishq ka ghar hai Meer se aabaad
Aisey phir khaana-maan kharaab kahaan