Ye Aalam Shauq Ka Dekha Na Jaaey- Ahmed Faraz

Ye aalam shauq ka dekha na jaaey

Wo but hai ya Khuda, dekha na jaaey

Ye kin nazron se tum ne aaj dekha
Ke tera dekhna dekha na jaaey

Hamesha ke liye mujh se bichar jaa
Ye manzar baaraha dekha na jaaey

Ghalat hai jo suna par aazma kar
Tujhe aey bbey-wafa dekha na jaaey

Ye mehroomi nahin paas-e-wafa hai
Koi tere siwa dekha na jaaey

Yahi tou aashnaa banrey hain aakhir
Koi naa-aashna dekha na jaaey

Faraz apne siwa hai kaun tera
Tujhe tujh se juda dekha na jaaey