Aankhon Mein Jee Mera Hai Idhar Yaar Dekhna - Meer Taqi Meer

Aankhon mein jee mera hai idhar yaar dekhna
Aashiq ka apney aakhri deedaar dekhna

Kaisa chaman ke hum se aseeron ko mana hai
Chaak-e-qafas sey baagh ki deewaar dekhna

Aankhein churaaiyo na tuk abr-e-bahaar sey
Meri taraf bhi deeda-e-khoon-baar dekhna

Aey hum-safar na aabley ko puhunchey chashm-e-tar
Laga hai mere paaon mein aa khaar dekhna

Hona na chaar chashm dil us culm-paisha sey
Hoshiyaar zinhaar khabar-daar dekhna

Sayyad dil hai daagh-e-judaai se rashq-e-baar
Tujh ko bhi ho naseeb ye gulzaar dekhna

Gar zam-zama yahi hai koi din to hum-safeer
Is fasl hi mein hum ko gireftaar dekhna

Bul-bul hamaarey gul pe na ustaakh kar nazar
Ho jaaey ga galey ka kaheen haar dekhna

Shaayad hamaari khaak sey kuch ho bhi aey naseem
Girbaal kar ke koocha-e-dildaar dekhna

Us khush-nigaah ke ishq sey parhaiz kee jiyo Meer
Jaata hai le ke jee hi ye aazaar dekhna