Dasht-e-tanhai mein aey jaan-e-jahaan larzaan hain
Teri aawaaz ke saaey, tere honton ke saraab
Dasht-e-tanhaai mein duuri ke khas-o-khaak taley
Khil rahey hain tere pehlu ke saman aur gulaab
Uth rahi hai kaheen qurbat se teri saans ki aanch
Apni khushbii mein sulagti hui madham madham
Duur ufaq par chamakti hui qatra qatra
Gir rahi hai teri dil-daar nazar ki shabnam
Iss qadar pyaar se aey jaan-e-jahaan rakha hai
Dil ke rukhsaar pe iss waqt teri yaad ne haath
Yun gumaan hota hai garchey hai abhi subah-e-firaaq
Dhal gaya hijr ka din, aa bhi gai wasl ki raat
Teri aawaaz ke saaey, tere honton ke saraab
Dasht-e-tanhaai mein duuri ke khas-o-khaak taley
Khil rahey hain tere pehlu ke saman aur gulaab
Uth rahi hai kaheen qurbat se teri saans ki aanch
Apni khushbii mein sulagti hui madham madham
Duur ufaq par chamakti hui qatra qatra
Gir rahi hai teri dil-daar nazar ki shabnam
Iss qadar pyaar se aey jaan-e-jahaan rakha hai
Dil ke rukhsaar pe iss waqt teri yaad ne haath
Yun gumaan hota hai garchey hai abhi subah-e-firaaq
Dhal gaya hijr ka din, aa bhi gai wasl ki raat
No comments:
Post a Comment
Note: Only a member of this blog may post a comment.