Tum Jo pal Ko Theher Jaao Tou Ye Lamhey Bhi - Faiz Ahmed Faiz

Tum jo pal ko theher jaao tou ye lamhey bhi
Aaney waaley lamhon ki amaanat ban jaaein
Tum jo theher jaao ye raat, maahtaab
Ye saza ye gulaab aur hum donon ke khwaab
Sab ke sab aisey mubham hon ke haqeeqat ho jaaein
Tum theher jaao ke unwaan ki tafseer ho tum
Tum sey talkhi-e-auqaat ka mausam badley
Raat ko kia badley gi, haalaat ko kia badleiin gey
Tum jo theher jaao tou meri zaat ka mausam badley
Meherbaan ho ke na thehero tou phir yun thehro
Jaisey pal bhar ko koi khwaa-e-tamanna thehrey
Jaisey darwaish-e-mada-nosh ke piyaaley mein kabhi
Aik do pal ke liye talkhi-e-duniya thehrey
Theher jaao ke mudaarat maikhaaney sey
Chaltey chaltey koi aik aadh suboo ho jaaey
Is se pehley ke koi lamhaa aainda ka teer
Is tarah aaey ke paiwast-e-guloo ho jaaey