Aaey Kuch Abr Kuch Sharaab Aaey - Faiz Ahmed Faiz

Aaey kuh abr kuch sharaab aaey
Us ke baad aaey jo azaab aaey

Baam-e-meena se maahtaab utrey
Dast-e-saaqi mein aaftaab aaey

Har rag-e-khoon mein phir charaaghaan ho
Saamney phir wo bey-naqaab aaey

Umar ke har waraq pe dil ko nazar
Teri mehr-o-wafa ke baab aaey

Kar raha tha gham-e-jahaan ka hisaab
Aaj tum yaad bey-hisaab aaey

Naa gai tere gham ki sardaari
Dil mein yun roz inquilaab aaey

Jal uthey bazm-e-ghair ke dar-o-baam
Jab bhi ham khaanamaam-kharaab aaey

Is tarah apni khaamoshi goonji
Goya har simt se jawaab aaey

Faiz hi raah sar basar manzil
ham jahaan phunchey kaamyaab aaey