Koft Sey Jaan Lub Par Aai Hai - Meer Taqi Meer

Koft sey jaan lub par aai hai
Hum ney kia chot dil pe khaai hai

Likhtey ruqu'a, likh gaey daftar
Shauq ney baat kia barhaai hai

Deedni hai shikastagi dil ki
Kia imaarat ghamon ney dhaai hai

Hai tasanna ke haal hain wo lub
Yaani ik baat si barhaai hai

Dil sey nazdeek aur itna duur
Kis sey us ko aashnaai hai

Jis marz mein ke jaan jaati hai
Dilbaron ki wo judaai hai

Yaan huey khaak sey baraabar hum
Waan wohi naaz-e-khud-numaai hai

Marg-e-majnoon pe aql gum hai Meer
Kia deewaaney ney maut paai hai