Ye Tabiat Hai Tou Khud Aazaar Ban Jaaein Gey Hum - Ahmed Faraz

Ye taboat hai tou khud aazaar ban jaaein gey hum
Chaarah-gar roein gey aur gham-khwaar ban jaaein gey hum

Ham sar-e-chaal-e-wafa hain aur tera dast-e-hunar
Jo bana dega hamein aey yaar ban jaaeingey hum

Kia khabar thi aey nigaar-e-sher tere ishq mein
Dil-baraan-e-sheher ke dil-daar ban jaaein gey hum

Sakht-jaan hain par hamaari ustawaari par na ja
Aisey tootein gey tera iqraar ban jaaein gey hum

Aur kuch din baithney dokoo-e-jaanaan mein hamein
Raftaa raftaa saaya-e-deewaar ban jaaein gey hum

Meer-o-Ghalib kia ke ban paaey nahi Faiz-o-Firaaq
Zam ye tha Roomi-o-Ataar ban jaaein gey hum

Dekhne mein shaakh-e-gul lagaatey hain lekin dekhna
Dast-e-gul-cheen ke liye talwaar ban jaaeingey hum

Ham chiraaghon ko tou tareeki se larnaa hai Faraz
Gul huey par subha ke aasaar ban jaaein gey hum