Dil Mein Maatam Aankhon Mein Aansoo Karorron Pey Zor

Dil mein maatam, aankhon mein aansoo karorron pey zor

Qasam ley lo, us raat tou teri yaad ne intehaa kar di

Agar Wo Puch Lein Hum Sey Tumhein Kis Baat Ka Gham Hai

Agar wo puch lein hum se, tumhein kis baat ka gham hai

Tou phir kis baat ka gham ho, agar wo puch lein hum se

Khoobsurat Tou Pehle Bhi Tha Lekin

Khoobsurat tou pehle bhi tha lekin

Hum ne chaaha tou ajab dhung se nikhraa hai wo shakhs

Merey Chup Rehne Sey Naraaz Na Hua Kar

Merey chup rehne naraaz na hua kar

Kehtey hain tootey huey lo aksar khaamosh rehte hain

Ab Tou Shaayad Hi Mujh Se Mohobbat Karey Koi

Ab tou shaayad hi mujh sey mohabbat karey koi

Meri aankhon mein tum saaf nazar aatey ho

Uss Ka Mayaar Abhi Mujh Se Juda Hai Lekin

Uss ka mayaar abhi mujh se juda hai lekin

Wo bhi bikhrey ga tou ho jaaey ga mere jesa

Apni Kharaabiyon Ko Pas-e-Pusht Daal Kar

Apni kharaabiyon ko pas-e-pusht daal kar

Har shakhs keh raha hai zamaana kharaab hai

Nigaahein Neechi Kar Ke Apni Raah Chalna

Nigaahein neechi kar ke apni raah chalna

Log palkon se hi alfaaz churaa lete hain

Haasil-e-Zindagi Kahoon Saahab

Haasil-e-zindagi kahoon saaab

Bashr ahl-e-wafa nahi hota

Likna Tou Tha Ke Khush Hun Tere Baghiar Bhi Magar

Likhna tou tha ke khush hun tere baghair bhi

Aansoo magar qalam se pehley hi gi gaey

Kiun Mannatein Maangata Hai Auron Ke Darbaar Se Iqbal

Kiun mannatein maangata hai auron ke darbaar se Iqbal

Wo kaun sa kaam hai jo hota nahi tere parwardigaar se

Hum Bey-Wafa Thay Iss Liye Nazron Mein Gir Gaey

Hum bey-wafa thay iss liye nazron mein gir gaey

Shaayad inhein talaash kisi bey-wafa ki thi

Hum Ko Un Se Wafa Ki Hai Ummeed

Hum ko un se wafa ki hai ummeed

Jo nahi jaantey wafa kia hai

Uljha Rahi Hai Mujh Ko Yahee Kash-ma-Kash Musalsal Mohsin

Uljha rahi hai mujh ko yahee kash-ma-kash musalsal Mohsin

Wo aa basa hai mujh mein, ya main us mein kho gaya hun

Aaj Ki Raat Bhi Mumkin Hai Na So Sakoon Mohsin

Aaj ki raat bhi mumkin hai na so sakoon Mohsin

Yaad phir aai hay neendon ko uraaney waali

Jis Nagar Bhi Jao

Jis nagar bhi jaao, qissey hein kambakht dil key

Koi dey ke ro raha hai, koi le ke ro raha hai

Kisi Dushman Ney Ye Izzat Mujhe Ab Tak Nahi Bakhshi

Kisi dushman ne ye izzat mujhe ab tak nahi bakshi

Hamesha dost hi ka haath puhuncha hai giraibaan tak

Jeet Mera Naseeb Thi Lekin

Jeet mera naseeb thi lekin

Mujh ko ley dooba teri maat ka dukh

Wafa Ke Bhais Mein Koi Raqeeb-e-Sheher Bhi Hai - Ahmed Faraz

Wafa ke bhais main koi raqeeb-e-sheher bhi hai
Hazar, ka sheher ke qaatil tabeeb-e-sheher bhi hai

Wohi sipaah-e-sitam khaima-zan hai chaaron taraf
Jo mere bakht mein tha, ab naseeb-e-sheher bhi hai

Udhar ki aag idhar bhi puhunch na jaaey kahin
Hawa bhi taiz hai, jungle qareeb-e-sheher bhi hai

Ab us ke hijar mein rotey hain, us ke ghaayal bhi
Khabar na thi ke wo zaalim habeeb-e-sheher bhi hai

Ye raaz naara-e-Mansoor hi se hum pe khula
Ke choob-e-mimbar-e-masjid saleeb-e-sheher bhi hai

Kari hai jang, ke ab ke muqaabaley pe Faraz
Ameer-e-sheher bhi hai aur khateeb-e-sheher bhi hai

Us Ne Sukoot-e-Shab Mein Bhi Apna Payaam Rakh Diya - Ahmed Faraz

us ne sukoot-e-shab mein bhi apnaa payaan rakh diya
Hijr ki raat hum par, maah-e-tamaam rakh diya

Aamad-e-dost ki nawaid koo-e-wafa mein aam thi
Main ne bhi ik charaagh sa dil, sar-e-shaam rakh diya

Dekho ye mere khwaab thay, dekho ye mere zakhm hain
Main ne tou sab hissaab-e-jaan barsar-e-aam rakh diya

Us ne nazar nazar mein hi aisey bhaley sukhan kahey
Main ne tou uske paaun mein saara kalaam rakh diya

Shiddat-e-tishnagi mein bhi ghairat-e-mae-kashi rahi
Us ne jo phair li nazar mein ne bhi jaam rakh diya

Aur Faraz chahiyen kitni mohabbatein tujhe
Ke Maaon ne tere naam par bach-chon ka naam rakh diya

Us Ne Kaha Sun - Ahmed Faraz

Us ne kaha sun
Ahad nibhaaney ki khaatir mat aana
Ahad nibhaaney waley aksar majboori ya
Mahjoori ki thakan se lauta karte hain
Tum jaao aur dariyaa dariyaa piyaas bujhaao
Jin aankhon mein doobo
Jis dil mein bhi utro
Meri talab awaaz na dey gi
Lekin jab meri chaahat aur meri khwaahish ki lau
Itni taiz aur ini oonchi ho jaaye
Jab dil ro dey
Tab laut aana

Us Ko Juda Huey Bhi Zamaana Bohot Hua- Ahmed Faraz

Us ko judaa huey bhi zamaana bohot hua
Ab kia kahein ke qissa puraana bohot hua

Dehelti na thi kisi bhi jatan se shab-e-firaaq
Ae marg-e-naagahaan tera aana bohot hua

Hum khuld se nikal tou gaey hain par aey Khuda
Itney se waaqa'ey ka fasaana bohot hua

Ab hum hain aur saarey zamaaney ki dushmani
Us se zara rabt barhaana bohot hua

Ab kiun na zindagi ko mohabbat pe waar dain
Iss aashiqi mein jaan se jaana bohot hua

Ab tak tou dil ka dil se ta'aruf na ho saka
Maana ke us se milna milaana bohot hua

Kia kia na ham kharaa huey hain magar ye dil
Aey yaad-e-yar terea thikaana bohot hua

Kehta tha naasehon se mere munh na aaeiyo
Phir kia tha aik hoo ka bahaana bohot hua

Lo phir tere labon pe usi bey-wafa ka zikr
Ahmed Faraz tujh se kahaa naa bohot hua

Tu Paas Bhi Ho Tou Dil Bey-Qaraar Apna Hai - Ahmed Faraz

Tu paas bhi ho tou dil bey-qaraar apna hai
Ke hum ko tera nahi intezaar, apna hai

Miley koi bhi tera zikr chair dete hain
Ke jesey saara jahaan raaz-daar apna hai

Wo duur ho tou bajaa tark-e-dosti ka khayaal
Wo saamney ho tou kab ikhtiyaar apna hai

Zamaaney bhar ke dukhon ko laga liya dil se
Is aasrey pe ik gham-gusaar apna hai

Faraz raahat-e-jaan bhi wohi hai kia ki jiye
Wo jis ke haath se seena figaar apna hai
 

Tum Bhi Khafa Ho Log Bhi Bey-Rehem Dosto - Ahmed Faraz

Tum bhi khafa ho dost bhi bey-rehem dosto
Ab ho chala yaqeen ke burey hum hain dosto

Kis ko hamaarey haal se nisbat hai kia karein
Aankhein tou dushmanon ki bhi pur-nam hein dosto

Apne siwa hamaarey na honey ka gham kisey
Apni talaash mein tou hum hi hum hain dosto

Kuch aaj shaam hi se hai dil b hi bujha bujha
Kuch sheher ke chiraagh bhi maddham hain dosto

Is sheher-e-aarzoo se bhi baahar nikal chalo
Ab dil ki raunaqein hi koi dam hai dosto

Sab kuch sahi Faraz par itna zaroor hai
Dunya mein aisey log bohot kam hain dosto

Teri Baatein Hi Sunaaney Aaey - Ahmed Faraz

Teri baatein hi sunaaney aaey
Dost bhi dil hi dukhaaney aaey

Phool khiltey hain tou hum sochtey hain
Tere aaney ke zamaaney aaey

Aisi kuch chup si lagi hai jesay
Hum tujhe haal sunaaney aaey

Ishq tanhaa hai sar-e-manzil-e-gham
kaun ye bijh uthaaney aaey

Ajnabi dost hamein dekh ke hum
Kuch tujhe yaad dilaaney aaey

Dil dharakta hai safar ke hangam
Kaash phir koi bulaaney aaey

Kia kaheen phir koi basti ujree
Log kiu jashn manaaney aaey

So raho maut ke pahloo mein Faraz
Neend kis waqt na-jaaney aaey

Tere Hotey huey Mehfil Mein Jaltey Hain Charaagh - Ahmed Faraz

Tere hotey huey mehfil mein jaltey hein charaagh
Log kia saada hain sooraj ko dikhaatey hain charaagh

Apne mehroomiyon pe sharmninda hain
Khud nahi rakhte tou auron ke bujhaatey hein charaagh

Bastiyaan chaand sitaaron pe basaaney waaley
Kurra-e-arz bujhaatey jaatey hain charaagh

Kia khabar hai un ko ke daaman bhi bharak uthtey hain
Jo zamaaney ki hawaaon se bachaatey hain charaagh

Aisi taareekiyaan aankhon mein basi hain Faraz
Raat tou raat hum din ko jalaate hain charaagh

Tarap Uthoon Bhi Tou Zaalim Teri Duhaai Na Dun - Ahmed Faraz

Tarap uthoon bhi tou zaalim teri duhaai na dun
Main zakhm zakhm hun phir bhi tujhe dikhaai na dun

Tere badan mein dharakney laga hun dil ki tarah
Ye aur baat ke ab bhi tujhe dikhaai dun

Khud apne aap ko parkhaa tou ye nadaamat hai
Ke ab kabhi usey ilzaam-e-bey-wafaai dun

Mujhe bhi dhund kabhi mehw-e-aaina-daari
Main tera aqs hun lekin tujhe dikhaai na dun

Suna Hai Log usey Aankh Bhar Ke Dekhte Hain - Ahmed Faraz

Suna hai log usey aankh bhar ke dekhte hain
So us k sheher mein kuch din theher ke dekhte hain

Suna hao rabt hao us ko kharaab haalon se
So apne aap ko baraad kar ke dekhte hain

Suna hai dard ki gaahak hai chashm-e-naazuk us ki
So hum bhi us ki gali se guzar ke dekhte hain

Suna hai us ko bhi hai sher-o-shayari se shaghaf
So hum bhi maujazey apne hunar ke dekhte hain

Suna hai boltey tou baaton se phool jhartey hein
Ye baat hai tou chalo baat kar ke dekhte hain

Suna hai raat usey chaand takta rehta hai
Sitaar-e-baam-e-falak se utar ke dekhte hain

Suna hai hashr hein us ki ghazal si aankhein
Suna hai us ko hiran dasht bhar ke dekhte hain

Suna hai din ko usey titliyaan sataati hain
Suna hai raat ko jugnoo theher ke dekhte hain

Suna hai raat se barh kar hain kaakulein us ki
Suna hai shaam ko saaey guzar ke dekhte hain

Suna hai us ki siyaah chashmagi qayaamat hai
Tou us ko sarma-farosh aankh bhar ke dekhte hain

Suna hai us ke lubon se gulaab jalte hain
So hum bahaar par ilzaam dhar ke dekhte hain

Suna hai aaina tamasaal hai jabeen us ka
Jo saada-dil hain sab sanwar ke dekhte hain

Suna hai jab se humaail hain us ki gardan mein
Mizaaj aur hi laal-o-gauhar ke dekhte hain

Suna hai chashm-e-tasavwwur se dasht-e-imkaa mein
Palang zaaviye us ki kamar ke dekhte hain

Suna hai us ke badan ke taraash aisey hain
Ke phool apni qabaaein qatar ke dekhte hain

Wo sharv-qad hai magar bey-gul-e-muraad nahi
Ke us shajar pe shagoofey samar ke dekhte hain

Bas ek nigaah se lut-taa hai kaafila dil ka
So rah-rawaan-e-tamanna bhi dar ke dekhte hain

Suna hai us ke shabistaan se muttasil hai bashisht
Makeen udhar ke bhi jalwey idhar ke dekhte hain

Rukey tou gardishein us ka tawaaf karti hain
Chaley tou us ko zamaaney theher ke dekhte hain

Kisey naseeb ke be-pairahaan usey dekhe
Kabhi kabhi dar-o-deewaar ghar ke dekhtey hain

Kahaaniyaan hi sahi, sab mubaalaghey hi sahi
Agar wo khwaab hai, taabeer kar ke dekhte hain

Ab us ke sheher mein theherney ki kuch kar jaaein
Faraz aao, sitaarey safar ke dekhte hain

Shola Tha Jal-Bujhaa Hun Hawaaein Mujhe Na Do - Ahmed Faraz

Shola tha jal-bujha hun hawaaein mujhe na do
Main kab ka jaa chuka hun sadaaein mujhe na do

Jo zeher pee chuka hun tumhi ne mujhe diya
Ab tum tou zindagi ki duaaein mujhe na do

Aisa kabhi na ho ke palat kar na aa sakoon
Har baar duur jaa ke sadaaein mujhe na do

Ka mujh ko aitaraaf-e-mohabbat na tha Faraz
Kab main ne ye kaha tha sazaayein mujhe na do

Sukoot-e-Shaam-e-Khizaan Hai Qareeb Aa Jao - Ahmed Faraz

Sukoot-e-shaam-e-khizaan hai qareeb aa jaao
Bara udaas samaan hai, qareeb aa jaao

Na tum ko khud pe bharosa, na hum ko zom-e-wafa
Na aitabaar-e-jahaan hai qareeb aa jaao

Raah-e-talb mein kisi ko dheyaan nahi
Hujoom-e-hum-safaraan hai, qareeb aa jao

Jo dasht-e-ishq mein bichrein wo umr bhar na mile
Yahaan dhuaan hi dhuaan hai, qareeb na jaao

Ye aandhiyaan hain tou sheher-e-wafa ki khair nahi
Zamaana khaak-fashaan hai, qareeb aa jaao

Faqeeh-e-sheher ki majlis nahi ke duur raho
Ye bazm-e-peer-e-magaan hai, qareeb aa jaao

Faraz duur ke sooraj ghuroob samjhey gaye
Ye daur-e-kam-nazaara hai qareeb aa jaao

Sab Log Liye Sung-e-Malaamat Nikal Aaey - Ahmed Faraz

Sab log liye snug-e-malaamat nikal aaye
Kis sheher main hum ahl-e-mohabbat nikal aaye

Ab dil ki tamanna hai tou aey kaash yahi ho
Aansoo ki jaga aankh se hasrat nikal aaye

Har ghar ka diyaa gul na karo tum ke na-jaaney
Kis baam se khursheed-e-qayaamat nikal aaye

Jo dar-paa-e-pindaar hain un qatal-gaahon se
Jaan dey ke bhi samjho ke salaamat nikal aaye

Saaqiya Ik Nazar Jaam Se Pehle Pehle - Ahmed Faraz

Saaqiya ik nazar jaam se pehle pehle
Hum ko jaana hai kahin shaam se pehle pehle

Khush hua aey dil ke mohabbat tou nibhaa di tu ne
Log ujar jaatey hain anjaam se pehle pehle

Ab tere zikr pe hum baat badal detey hain
Kitni raghbat thi tere naam se pehle pehle

Saamney umr pari hai shab-e-tanhaai ki
Wo mujhe chor gaya shaam se pehle pehle

Ranjish Hi Sahi Dil Hi Dukhaaney Ke Liye Aa - Ahmed Faraz

Ranjish hi sahi dil hi dukhaaney k liye aa
Aa phir se mujhe chor ke jaaney k liye aa

Pehley se muraasim na sahi, phir bhi kabhi tou
Rasm-o-raah-e-duniya hi nibhaaney ke liye aa

Kis kis ko bataaein gey judaai ka sabab hum
Tu mujh se khafaa hai tou zamaaney ke liye aa

Kuch tou mere pindaar-e-mohabbat ka bharam rakh
Tu bhi tou kabhi mujh ko manaaney ke liye aa

Aik umar se hun lazzat-e-giriyaa se bhi mahroom
Aaey raahat-e-jaan mujh ko rulaaney ke liye aa

Ab tak dil-e-khush-fehem ko tujh se hain ummeedein
Ye aakhri shama'aa bhi bujhaaney ke liye aa

Maana ke mohabbat ka chupaana hai mohabbat
Chupkey se kisi roz bataaney ke liye aa

Jaise tujhe aatey hain, na aaney ke bahaaney
Aisey hi kisi roz na jaaney ke liye aa

Qurbaton Mein Bhi Judaai Ke Zamaaney Maangey - Ahmed Faraz

Qurbaton mein bhi judaai ke zamaaney maangey
Dil qo bey-mehar ki roney ke bahaaney maangey

Apna ye haal ke jee haar chukey lut bhi gaey
Aur mohabbat, wohi andaaz puraaney waaley

Ham na hotey tou kisi aur ke charchey hotey
Khalqat-e-sheher tou keney ko fasaaney maangey

Dil kisi haal pe maaney hi nahi jaan-e-Faraz
Mil gaye tum bhi tou kia aur na jaaney maangey

Phir usi Raah-Guzaar Par Shayad - Ahmed Faraz

Phir usi raah-guzaar par shaayad
Hum kabhi mil sakein magar shaayad

Jaan pehchaan se kia hoga
Phir bhi aey dost, ghaur kar shaayad

Muntazir jin ke ham rahey tum ho
Mil gaye aur hamsafar shaayad

Jo bhi bichrey hain kab miley hain Faraz
Phir bhi tu intezaar kar shaayad

Paich Rakhtey Ho Bohot Saaj-o-Dastaar Ke Beech

Paich rakhtey ho bohot saaj-o-dastaar ke beech
Main ne sar girtey huey dekhey hain baazaar ke beech

Baagh-baanon ko ajab rung se taktey hain gulaab
Gul-farosh aaj bohot jamaa hain gul-zaar ke beech

Kaj-adaaon ki inaayat hay k ham se ush-shaaq
kabhi deewaar ke pichey, kabhi deewaar ke beech

Tum ho naa-khush tou yahaan kaun hay khush phir bhi Faraz
Log rehtey hain isi sheher-e-dil-e-aazaar ke beech

Payaam Aaey Hain Us Yaar-e-Bey-Wafa Ke Mujhe

Payaam aaey hain us yaar-e-bey-wafa ke mujhe
Jisey qaraar na aaya kahin bhula ke mujhe

Nashey se kahoon tou nahi yaad-e-yaar kaa aalam
Ke le uraa hai koi dosh par hawa ke mujhe

Judaaiyaan hon tou aisi ke umar bhai na miley
Faraib tou do zara silsiley barha ke mujhe

Main khud ko bhool chuka tha magar jahaan waley
Udaas chor gaye aaina dikhaa ke mujhe

Muttafaawatey Hein Mere Khuda Ki Ye Tu Nahi Koi Aur Hai - Ahmed Faraz

Muttafaawatein hein mere khuda ki ye tu nahi koi aur hai
Ke tu aasmaan pe ho tou ho, pisar-e-zameen koi aur hai

Wo jo raastey thay, wafa ke thay, ye jo manzilein hain saza ki hain
Mera hum-safar koi aur tha, mera hum-nasheen koi aur hai

Mere jism-o-jaan mein tere siwaa aur koi bhi doosra
Mujh phir bhi lagta hai is tarah ke kahin kahin koi aur hai

Main aseer apne ghazaal ka, main faqeer apne wisaal ka
Jo hiran ko baand ke le gaya, wo  subuk-tageen koi aur hai

Muntazir Kab Se Tahiyyur Hai Teri Taqdeer Ka - Ahmed Faraz

Muntazir ka se tahaiyyur hai teri taqreer ka
Baat kar tujh par gumaan honey laga tasveer ka

Raat kia soey ke baaqi umar ki neend ur gai
Khwaab kia dekha ke dharka lag gaya taabir ka

Jaaney tu kis aalam mein bichraa hai k tere baghair
Aaj tak har lafz fariyaadi meri tehreer ka

Jis tarah baadal ka saaya piyaas bharkaata rahey
Main ne wo aalam bhi dekha hai teri tasveer ka

Kis tarah paaya tujhe phir kis tarah khoya tujhe
Mujh sa munkir bhi tou qaail ho gaya taqdeer ka

Ishq mein sar phorna bhi kia ke ye be-meher log
Joo-e-khoon ko naam dete hein joo-e-sheer ka

Jis ko bhi chaaha usey shiddat se chaaha hai Faraz
Silsilaa toota nahi dard ki zanjeer ka

Main Tou Aawaara Shayar Hun Meri Kia Wuqu'at - Ahmed Faraz

Main tou aawaara shayar hun meri kia wuqu'at
Aik do geet paraishaan se gaa leta hun

Gaahey gaahey kisi naa-kaam sharaabi ki tarah
Aik do zeher ke saagar bhi charhaa leta hun

Tu ke ik waadi-e-gul-rung ki shahzaadi hai
Aik bekaar se insaan ke liye waqf na ho

Tere khwaabon ke jazeeron mein bari raunaq hai
Aik anjaan se toofaan k liye waqf na ho

Kia Rukhsat-e-Yaar Ki Ghari Thi - Ahmed Faraz

Kia rukhsat-e-yaar ki ghari thi
Hansti hui raat ro pari thi

Hum khud hi huey tabaah warna
Duniya ko hamaari kia pari thi

Ye zakhm hein un dinon ki yaadein
Jab aap se dosti bari thi

Jaatey tou kidhar ko tere wehshi
Zanjeer-e-junoon kari pari thi

Gham thay ke Faraz aandkhiyaan theen
Dil tha ke Faraz, pankhari thi

Kuch Na Kisi Se Bolein Gey - Ahmed Faraz

Kuch na kisi se bolein gey
Tanhaai mein ro lein gey

Hum bey-rehbaron ka kia
Saath kisi ke ho lein gey

Khud tou huey ruswa lein
Tere bhaid na kholein gey

Jeewan zeher bhara saagar
Kab tak amreet gholein gey

Neend tou kia aae gi Faraz
Maut aai tou so lein gey

Khwaab Marte Nahi -Ahmed Faraz

Khwaab marte nahi
Khwaab dil hain, na aankhein, na saansein ke jo
Raiza raiza huey tou bikhar jaaein gey
Jism ki maut se ye bhi mar jaaein gey

Khwaab marte nahi
Khwaab tou roshnaai hain, nawa hain, hawa hein
Jo kaaley pahaaron se ruktey nahi
Zulm ke dozakhon se bhi phukate nahi
Roshnaai aur nawa aur hawa ke aalam
Maqtalon mein puhunch kar bhi jhuktey nahi

Khwaab tou harf hain
Khwaab tou noor hain
Khwaab tou suqraat hain
Khwaab tou Mansoor hain

Khaamosh Ho Kiun Daad-e-Jafa Kiu Nahi Detey - Ahmed Faraz

Khaamosh ho kiun daad-e-jafa kun nahi detey
Bismil ho tou qaatil ko dua kiun nahi detey

Wehshat ka sabab roozan-e-zindaan tou nahi hai
Mahr-o-maah-o-anjum ko bujhaa kiun nahi detey

Ik ye bhi tou andaaz-e-ilaaj-e-gham-e-jaan hai
Aae charaah-garo dard barha kiun nahi detey

Munsif ho agar tum tou kab insaaf karo gey
Mujrim hain agar hum tou saza kiun nahi detey

Rahzan ho tou haazir hai mataa-e-dil-o-jaan abhi
Rahbar ho tou manzil ka pata kiun nahi detey

Kia beet gai ab ke Faraaz, ahl-e-chaman par
Yaaraan-e-qafas mujh ko sadaa kiun nahi detey

Kathin Hay Raah-Guzar Thori Duur Saath Chalo - Ahmed Faraz

Kathin hai raah-guzar, thori duur saath chalo
Bohot bara hai safar, thori duur saath chalo

Tamaam umar kahaan koi saath deta hai
Main jaanta hun, magar thori duur saath chalo
Nashey mein choor hun main bhi, tumhein bhi hosh nahi
Bara maza ho agar thori duur sath chalo

Ye aik shab ki mulaqaat bhi ghaneemat hai
Kisey hai kal ki khabar, thori duur saath chalo

Abhi tou jag rahey hain chiraagh raahon ke
Abhi hai duur sahar, thori duur saath chalo

Tawaaf-e-manzil-e-jaanaan hamein bhi karna hai
Faraaz tum hbi magar thori duur saath chalo

Karun Na Yaad Agar Kis Tarah Bhulaaun Usey - Ahmed Faraz

Karun na yad agar, kis tarah bhulaaun usey
Ghazal bahaana karun aur gun-gunaaun usey

Qo khaar khaar hai shaakh-e-gulaab ki maanind
Main zakhm zakhm hun phir bhi galey lagaaun usey

Ye log tazkarey karte hein apney logon ke
Main kesey baat karun aur kahan se laaun usey

Magar wo zood-faraamosh zood-runj bhi hai
Ke rooth jaaey agar yaad kuch dilaaun usey

Wohi jo daulat-e-dil hai wohi jo raahat-e-jaan hai
Tumhaari baat pe aey naaseho, ganwaaun usey

Jo hum-safar sar-e-manzil ichar raha hay Faraz
Ajab nahi ke agar yaad bhi na aaun usey

Kaha Tha Kis Ne Ke Ahd-e-Wafa Karo Us Se - Ahmed Faraz

Kaha tha kis ne ke ahd-e-wafa karo us se
Jo yun kiya hai tou phir kiun gila karo us se

Ye ahl-e-baz tunak hausla sahi phir se
Zara fasaana-e-dil ibtidaa karo us se

Ue kia ke tum hi gham-e-hijr ke fasaane kaho
kabhi tou us ke bahaaney suna karo us se

Naseeb phir koi taqreeb-e-qarb ho ke na ho
Jo dil mein hon wohi baatein kiya karo us se

Faraz tark-e-ta'alluq tou khair kia hoga
Yahi bohot hai ke kam kam mila karo us se

Juz Tere Koi Bhi Din Raat Na Jaaney Mere - Ahmed Faraz

Juz tere koi bhi din raat na jaaney mere
Tu kahaan hai magar aae dost puraaney mere

Tu bhi khusboo hai magar mera tajassus bekaar
Barq-w-aawaara ki maanind thikaaney mere

Shama'a ki lau thi ke wo tu tha magar hijr ki raat
Dair tak rota raha koi serhaaney mere

Khalq ki bey-khabri hai ke meri ruswaai
Log mujh ko hi sunaatey hain fasaaney mere

Lut ke bhi khush hun e aankhon se bhara hai daaman
Dekh ghaarat-gar-e-dil ye bhi khazaaney mere

Aaj ik aur baras beet gaya us ke baghair
Jis ke hotey huey hotey thay zamaaney mere

Kaash tu bhu meri awaaz sunta ho
Phir pukaarey hai tujhe dil ki sada ne mere

Kaash tu bhi kabhi aa jaey maseehaai ko
Log aatey hain bohot dil ko dukhaaney mere

Kaash auroin ki tarah main bhi keh sakta
Baat sun li hai meri aaj Khuda ne mere

Tu hai kis haal mein aey zood-faraamosh mere
Mujh ko tou cheen liya ahd-e-wafa ne mere

Charaah-gar yun tou bohot hain magar aai haan-e-Faraz
Juz tere aur koi gham na jaaney mere

Jis Simt Bhi Dekhun Nazar Aata Hai Ke Tum Ho - Ahmed Faraz

Jis simt bhi dekhun nazar aata hai ke tum ho
Aey jaan-e-jahaan ye koi tum sa hai ke tum ho

Ye khwaab hai, khusboo hai, ke jhonka hai ke pal hai
Ye dhund hai, baadal hai, ke saaya hai ke tum ho

Iss deed ki saa'at mein kaee rung hein larzaan
Main hun ke koi aur hai, duniya hai k tum ho

Dekho ye kisi aur ki aankhein hein ke meri
Dekhun ye kisi aur ka cehraa hai ke tum ho

Ye umr-e-guraizaan kabhi thehrai tou ye jaanun
Har saans mein mujh ko ye lagta hai k tum ho

Har bazm mein mauzoo-e-sukhan dil-zadgaan ka
Ab kaun hai, shireen hai, ke laila hai ke tum ho

Ik dard ka phela hua sahaara hai k mein hun
Ik mauj mein aaya hun, dariyaa hai k tum ho

Wo waqt na aaye ke dil-e-zaar bhi sochey
Is sheher mein tanhaa koi hum sa hai ke tum ho

Aabaad hum aashuftaa saron se nahi maqral
Ye rasm abhi sheher mein zinda hai ke tum ho

aai jaan-e-Faraz itni bhi taufeeq kisey thi
Hum ko gham-e-hasti bhi gawaara hai k tum ho

Iss Se Pehley Ke Bey-Wafa Ho Jaaein - Ahmed Faraz

Iss se pehley ke bey-wafa ho jaaein
Kiun na aey dost, hum juda ho jaaein

Tu kabhi heeray se ban gaya pathar
Hum bhi kal kia se kia ho jaaein

Hum bhi majbooriyon ka uzr karein
Aur kaheen aur mubtala ho jaaein

Ishq bhi khel hai naseebon ka
Khaak ho jaaein, keemiya ho jaaein

Ab ke gar tu miley tou hum tujh se
Aisey liptein teri qabaa ho jaaein

Bandagi hum ne chor di hai Faraz
Kia karein log jab Khuda ho jaaein

Iss Qadar Musalsal Theen Shiddatein Judaai Ki - Ahmed Faraz

Iss qadar musalsal theen, shiddatein judaai ki
Aaj pehli baar main ne, us se bey-wafaai ki

Warna ab talak yun tha khwaahishon ki baarish mein
Ya tou toot kar roya, ya ghzal-saraai ki

Taaj diya tha kal jin ko hum ne teri chaahat mein
Aaj un se majbooran taaza aashnaai ki

Ho chala tha jab mujh ko ikhtalaaf apne se
Tu ne kis ghari zaalim, meri ham-nawaai ki

Tanz-o-taana-o-tohmat, sab hunar hain naaseh ke
Aap se koi puchey, hum ne kia buraai ki

Phir qafas mein shor utha, qiadiyon ka aur Syed
Dekhna uraa dega phir khabar rehaai ki

Iss Daur-e-Bey-Junoon Ki Kahaani Koi Likho

Iss daur-e-bey-junoon ki kahaani koi likho
Jismon ko burf, khoon ko paani koi likho

Koi kaho ke haath qalam kis tarah huey
Koi ruk gaey qalam ki rawaani, koi likho

Kiun ahl-e-shauq sar-ba-giraibaan hain dosto
Kiun khoon-ba-dil hai, ahd-e-jawaani koi likho

Kiu surma-dar-guloo hai har aik taayar-e-sikhan
Kiun gulistaan qafas ka hai saani koi likho

Haan taza saanehon ka karey kaun intezaar
Haan dil ki waardaat puraani koi likho

Inhi Khush-Gumaaniyon Mein Kahin Jaan Se Bhi Na Jaao - Ahmed Faraz

Inhi khush-gumaaniyon mein kahin jaan se bhi na jaao
Wo jo chaarah-gar nahi hai, usey zakhm kiun dhikaao

Ye udaasiyon ke mausam, kahin raaegaan na jaaein
Kisi zakhm ko kuraido, kisi dard ko jagaao

Wo kahaniyaan adhoori jo na ho sakeingi puri
Unhein main bhi kin sunaaun, unhein tum bhi kiun sunaao

Mere hum-safar puraaney, mere a bhi muntazir hain
Tumein saath chorna hai, tou abhi se chor jao

Ye judaaiyon ke rastey, bari duur tak gaey hein
Jo gaya wo phir na lauta, meri baat maan jaao

Kisi bey-wafa ki khaatir, ye junoon Faraz kab tak
Jo tumhein bhula chuka hai, usey tum bhi bhool jaao

Hui Hay Shaam Tou Aankhon Mein Bas Gaya Phir Tu - Ahmed Faraz

Hui hai shaam tou aankhon mein bas gaya phir tu
kahaan gaya hai mere sheher ke musaafir tu

Bohot udaas hai ik shakhs tere jaaney se
Jo ho sakey tou chalaa aa usi ki khaatir tu

Meri misaal ke ik nakhl-e-khushk sehraa hun
Tera khayaal ke shaakh0-e-chaman ka taa'ir hun

Main jaanta hun k duniyaa tujhe badal dey gi
Main maanta hun ke aisa nahi bazaahir tu

hansi khushi se bichar jaa agar bicharna hai
Ye har maqaam pe kia sochta hai aakhir tu

Faraz tu ne usey mushkilon mein daal diya
Zamaana saahib-e-zar aur sirf shaayar tu

Hawa Ke Zor Se Pindaar-e-Baam-o-Dar Bhi Gaya - Ahmed Faraz

Hawa ke khauf se pindaar-e-baam-o-dar bhi gaya
Chirraagh ko jo bachatey thay un ka ghar bhi gaya

Pukaartey rahey mehfooz kashtiyon waley
Main doobta hua dariyaa ke paar utar bhi gaya

Ab ehtiyaat ki deewaar kia uthaatey ho
Jo chor dil mein chupa tha wo kaam kar bhi gaya

Main chup raha ke is mein thi aafiyat jaan ki
Koi tou meri tarah tha jo daar par bhi gaya


Sulagtey sochtey weeraan mausamon ki tarah
Kara tha ahd-e-jawaani magar guzar bhi gaya

Jisey bhulaa na saka, us ko yaad kia rakhta
Jo naam dil mein raha, zehen se utar hi gaya

Phati phati hui aankhon se yun na dekh mujhe
Tujhe talaash hai jis ki, wo shaks mar bhi gaya

Magar falak ki adaawat usi ke ghar se na thi
Jahaan Faraz na tha, saahil-e-gham udhar bhi gaya

Har Tamaashaai Faqat Saahil Se Manzar Dekhta - Ahmed Faraz

Har tamaashaai faqat saahil se manzar dekhta
Kaun dariyaa ko ulat-ta, kaun gauhar dekhta

Wo tou duniyaa ko meri deewaanagi khush aa gai
Tere haathon meinn wagarna pehlaa pathar dekhta

Aamkh mein aansoo jadey thay, par sada tujh ko na di
Iss tawaqau par k shayad tu palat kar dekhta

Meri qismat ki lakeerein mere haathon mein na theen
Tere maathey par koi mera muqaddar dekhta

Zindagi phaili hui thi shaam-e-hijraan ki tarah
Kis ko itnaa hausala tha kaun jee kar dekhta

Doobney waala tha aur saahil pe chehron ka hujoom
Pal ki mohlat thi main kis ko aankh bhar kar dekhta

Tu bhi dil ko ik lahuu ki hoond samjha hai Faraz
Aankh far hoti tou qatrey mein samandar dekhta

Haath Uthey Hein Magar Lub Pe Dua Koi Nahi - Ahmed Faraz

Haath uthey hein magar lub pe dua koi nahi
Ki ibaadat bhi wo jis ki jazaa koi nahi

Ye bhi waqt aana tha ab gosh har awaaz hay
Aur mere barbaad-e-dil mein sadaa koi nahi

Aa ke ab tasleem kar lein tu nahi tou main sahi
Kaun maanega ke hum mein bewafa koi nahi

Waqt ne wo khaal uraai hai ke dil ke dasht se
Qaafiley gzuzrey hain phir bhi naqsh-e-paa koi nahi

Khud ko yun mehsoor kar baithaa hun apni zaat mein
Manzilein chaaron taraf hain, raasta koi nahi

kaisey raaston se chaley aur kis jagah puhunchey Faraz
Yaa hujoom-e-dostaan tha saath yaa koi nahi

Giley Fuzool Thay Ahd-e-Wafa Ke Hotey Huey - Ahmed Faraz

Giley fuzool thay ahd-e-wafa k hotey huey
So chup rahaa sitam-e-narawaa ke hotey huey

Ye qurbaton mein ajab faasley parey ke mujhe
Hai aashnaa ki talab, aashnaa ke hotey huey

Wo hilaagar hein jo majbooriyaan shumaar karein
Chiraagh hum ne jalaaye hawa ke hotey huey

Na kar kisi pe bharosa ke kashtiyaan dobeen
Khuda ke hotey huey, naa-khudaa ke hotey huey

Kisey khabar haik kaasa-ba-dast phirte hein
Bohot se log saron par huma ke hotey huey

Faraz aisey bhi lamhey kabhi kabhi aaey
Ke dil giriftaa raha dil-rubaa ke hotey huey

Faraz Ab Koi Saudaa Koi Junoon Bhi Nahi - Ahmd Faraz

Faraz ab koi Saudaa, koi junoon bhi nahi
Magar qaraar se din kat rahey hon, yun bhi nahi

Lub-o-Dehen bhi milaa, guftagu ka fun bhi mila
Magar jo dil pe guzarti hai ke sukoon bhi nahi

Meri zubaan ki luknat se bud-gumaan na ho
Jo tu kahey tou tujhe umar bhar miloon bhi nahi

Faraz jesey koi diyaa turbat-e-hawaa chaahey hai
Tu paas aaey tou mumkin ai main rahoon bhi nahi

Dukh Fasaana Nahi Ke Tujh Se Kahein - Ahmed Faraz

Dukh fasaana nahi ke tujh se kahein
Dil bhi maana nahi ke tujh se kahein

Aaj tak apni bey-kali ka sabab
Khud bhi jaana nahi ke tujh se kahein

Aik tu harf-aashna tha magar
Ab zamaana nahi ke tujh se kahein

Bey-tarah dil hai aur tujh se
Dostaana nahi ke tujh se kahein

Aey Kudaa dard-e-dilhai bakhshish-e-dost
Aab-o-daana nahi ke tujh se kahein

Dost Ban Kar Bhi Nahi Saath Nibhaaney Waala - Ahmed Faraz

Dost ban kar bhi nahi saath nibhaaney waala
Wohi andaaz hai zaalim ka zamaaney waala

Ab isey log samajhtey hain firaftaar mera
Sakht naadin hai mujhe daam mein laaey wala

Kia kahein kitney maraasim thay hamaarey is se
Wo jo ik shakhs hai munh pher k jaaney waala

Tere hotey huey aa jaata thi saari duniyaa
Aaj tanhaa hun tou ko nahi aaney waala

Muntazir kis ka hun tooti hui dehleez pe main
Kaun aaey ga yahaan, kaun hai aaney waala

Main ne dekhaa hai bahaaron mein chaman ki jaltey
Hai koi khwaab ki taabeer bataaney waala

Kia Khabar thi jo meri jaan mein ghulaa hai itnaa
Hai wohi mujh ko sar-e-daar bhi laaney wala

Tum takalluf ko bhi ikhlaas samajhtey ho Faraz
Dost hota nahi har hath milaaney waala

Dil Bhi Bujhaa Ho Shaam Ki Parchaaiyaan Bhi Hon - Ahmed Faraz

Dil bhi bhujaa ho shaam ki parchaaiyaan bhi hon
Mar jaaiye jo aise mein tanhaaiyaan bhi hon

Aankhon ki srkh lahar hay mauj-e-supardagee
Ye kia zaroori hai ke ab angraaiyaan bhi hon

Har husn-e-sadaa lau na dil mein utar saka
kuch tou muzaaj-e-yaar mein gehraaiyaan bhi hein

Duniyaa ke tabsarey tou tabiat hi ley bujhey
Baat us ki ho tou phir sukhn-aaraaiyaan bhi hein

Pehley pehel ka ishq abhi yaad hai Faraz
Dil khud ye chaahata hai ke ruswaaniyaan bhi hon

Cherey Main Ne Kabhi Lub-o-Gulzaar Ke Qissey

Cherey main ne kabhi la\ub-o-rukhsaar ke qissey
Gahey gul-bul-bul ki hikaayat ko nikhaara
Gahey kisi shahzaadey ke afsaaney sunaaey
Gahey kiya dunyaa-e-paristaan ka nazaara
Main khoya raha jinn-o-malaaik ke jahaan mein
Har lahaja agarchey mujhe aadam ne pukaara

Barson yunhi dil-jama'ai-e-aurang ki khaatir
Sau phool  khilaaey kabhi sau zakhm khareedey
Main likhta raha hijv baghaawat manshoon ki
Main parhta raha qasr-nasheenon ke qaseedey
Ubharna bhi agar dil mein koi jazbaa-e-sar-kash
Iss khauf se chup tha ke koi hont na see dey

Lekin ye telismaat bhi taa-dair na reh paaey
Aakhir mae-o-mena-o-daf-o-chang bhi tootey
Yun dast-o-giraibaan hua insaan-o-khudabund
Nakcheer tou tarpey qafas-e-rung bhi tootay
Iss qashmakash-e-zaara-o-anjum ki fizaa mein
Kashkol tou kia afsar-o-aurang bhi tootey

Maein dekh raha tha mere yaaron ne barh kar
Qaartil ko pukaara kahi maqtal ko saza di
Gahey rasn-o-daar ke aaghosh mein jhooley
Gaahey haram-o-dair ki deewar hila di
Jis aag se bharpoor tha maahol ka seena
Wo aag mere lauh-o-qalam ko bhi pilaa di

Aur aaj shikastaa hua har tauq-e-talaai
Ab funn mera darbaar ki jaageer nahi hai
Ab mera husn hai merey jamhoor ki daulat
Ab mera junoon kaif-e-taazeer nahi hai
Ab dil pe jo guzrey ki bey-tauq kahun ga
Ab mere qalam mein koi zanjeer nahi hai

Bey-Neyaaz-e-Gham-e-Paimaan-e-Wafa Ho Jaana - Ahmed Faraz

Bey-neyaaz-e-gham-e-paimaan-e-wafa o jaana
Tum bhi auron ki tarah mujh se judaa ho jaana

Mein bhi palkon pe sajaa lunga lahoo ki boondein
Tum bhi paabasta-e-zanjeer-e-hina ho jaana

Khalq ki sung-zani meri khataaon ka sila
Tum tou mausam ho, tum duur zara ho jaana

Ab mere waastey tariyaaq hai ilhaad ka zeher
Tum kisi aur pujaari ke khuda ho jaana

Barson Ke Baad Dekha Ik Shaks Dil-Ruba Sa - Ahmed Faraz

Barson ke baad dekha, ik shaks dil-ruba sa
Ab zehen mein nahi hai, par naam tha bhalaa sa

Abaroo khinchey khinchey sey, aankhein jhuki jhuki si
Baatein ruki ruki si, lehjaa thaka thaka sa

Alfaaz thay k jugnoo, awaaz ke safar mein
Ban jaaey jangalon mein, jis tarah raasta sa

Khwaabon mein khwaab us ke, yaadon mein yaad us ki
Neendon mein ghul gaya ho, jaisey ke rat-jagaa sa

Pehley bhi log aaey, kitne hi zindagi mein
Wo har tarah se lekin, auron se tha judaa sa

Agli mohabbaaton ne, wo naa-muraadiyaan deen
Taaza rafaaqaton se, dil tha dara dara sea

Kuch ye k muddaton se, ham bhi nahi thay roey
Kuch zeher mein bujhaa tha, ahbaab ka dilaasa

Phir yun hua ke saawan aankhon mein aa basey thay
Phir yun hua ke jesey, dil bhi tha aabalaa sa

Ab sach kahein tou yaaro, hum ko khabar nahi thi
Ban jaaega qayaamat, ik waaqeya zara sa

Taiwar thay bey-rukhi ke, andaaz dosti ke
Wo anabi tha lekin, lagta tha aashna sa

Hum dasht thay k dariyaa, hum zeher thay k amreet
Naa-haq tha zonam ham ko, jab wo nahi tha piyaasa

Hum ne bhi us ko dekha, kal shaam ittefaaqan
Apna bhi haal hai ab, logo Faraz ka sa

Badan Mein Aag Si Chehra Gulaab Jesa Hai - Ahmed Faraz

Badan mein aag si chehra Gulaab jesa haai
Ke Zeher-e-gham ka nashaa bhi sharaab jesa hai

Kahan wo qurb ke ab tou ye haal hai jesey
Tere firaaq ka aalam bhi khwaab jesa hai

Magar kabhi koi dekhey, koi parhey tou sahi
Dil aaina hai tou chehra kitaab jesa hay

Wo saamney hai magar tishnagi nahi jaati
Ye kia sitam hai ke daryaa sharaab jesa hai

Faraz sang-e-malaamat se zakhm zakhm sahi
Hamein azeez hai, khaan-kharaab jesa hai

Aisey Chup Hein Ke Manzil Bhi Kari Ho Jesey - Ahmed Faraz

Aisey chup hein ke manzil bhi kari ho jesey
Tera milnaa bhi judaai ki ghari ho jesey

Apney hi saaey se har gaam laraz jaata hun
Raastey mein koi deewaar khari ho jesey

Manzilein duur bhi hein, manzilein nazdeek bhi hein
Apne hi paaun mein zanjeer pari ho jesey

Kitney naadaan hein tere bhulaaney waley k tujhe
Yaad karne k liye umar pari ho jesey

Aaj dil khol ke roey hein tou yuun khush hai Faraz
Chund lamhon ki ye raahat bhi bari ho jesey

Ab Naey Saal Ki Mohabbat Nahi Milney Waali - Ahmed Faraz

Ab naey saal ki mohabbat nahi milney waali
Aa chukey ab tou shab-o-roz azaabon waley

Ab tou sab dashna-o-khanjar ki zubaan boltey hein
Ab kahaan log mohabbat key nisaabon waley

Zinda rehne ki tamanna ho tou jaatey hein
Faakhtaaon ke bhi kirdaar ukaabon waley

Na mere zakhm khuley hein na tera rung-e-hinaa
Mausam aaey hi nahi ab ke gulaabon waley

Ab Kis Ka Jashn Manaatey Ho, Us Dais Ka Jo Taqseem Hua - Ahmed Faraz

Ab kis ka jashn manaatey ho, us dais ka jo taqseem hua
Ab kis ka geet sunaatey ho, us tun mun ka jo do-neem hua

Us ka khwaab ka jo raiza raiza un ankhon ki taqdeer hua
Us naam ka jo tukraa tukraa galiyon mein bey-tauqeer hua

Us parcham ka jis ki hurmat bazaaron mein neelaam hui
Us mitti ka jis ki hurmat munsab udu k naam hui

Us jang ko jo tum haar chukey, us rasm ka jo jaari bhi nahi
Us zakhm ka jo seenaey pe na thaa, us jaan ka jo waari bhi nahi

Us khoon ka jo bud-qismat tha, raahon mein bahaaya, tun mein raha
Us phool ka jo bey-qeemat tha, aangan mein khilaaya, bun mein raha

Us mashriq ka jis ko tum ne naizey ki anee marham samjha
Us maghrib ka jis ko tum ne jitna bhi loota, kam samjha

Un maasoomon ka jin k lahoo se tum ne farozaan raatein keen
Yaa un mazloomon ka jis ne khanjar ki zubaan mein baatein keen

Us Mariyam ka, jis ki izzat lut-ti hai bharey baazaaron mein
Us Eesa ka jo qaatil hai aur shaamil hai gham-khuaaron mein

In nohaagaron ka jin ne hamein khud qatal kiya, khud rotey hein
Aisey bhi kaheen dum-saaz huey, aisey jallaad bhi hotey hein

Un bhookey nangey dhaanchon ka jo raqs sar-e-bazaar karein
Yaa un bey-bas laachaaron ka, jo aur bhi dukh ka nishaana huey

Is shaahi ka jo dast-ba-dast aai hai tumharey hissey mein
Kiu nang-e-watan ki baat karo, kia rakha hai is qissey mein

Aankhon mein chupaaey ashkon ko honton mein wafa ke bol liye
Iss jashn mein bhi shaamil hun, nohon se bhara kashkol liye

Ab Ke Tajdeed-e-Wafa Ka Nahi Imkaan Jaanaan - Ahmed Faraz

Ab ke tajdeed-e-wafa ka nahi imkaan jaanaan
Yaad kia tujh ko dilaaein tera paimaan jaanaan

Yun hi mausam ki adaa dekh ke yaad aaya hai
Kis qadar jald badal jaatey hein insaan jaanaan

Zindagi teri ataa thi so tere naam ki hai
Hum ne jesey bhi basar ki, tera ehsaan jaanaan

Dil ye kehta hai ke shaayad ho fasurda tu bhi
Dil ki kia baat karein, dil tou hai naadaan jaanaan

Avval-avval ki mohabbat ke nashey yaad tou kar
Bey-piye bhi tera chehra tha gulistaan jaanaan

Aakhi aakhir tou ye aalam hai ke ab hosh nahi
Rag-e-meenaan sulag uthi thi rag-e-jaan jaanaan

Muddatton se ye aalam, na tawwaqau, na ummeed
Dil pukaarey hi chala jaata hai jaanaan jaanaan

Hum bhi kia saada thay, hum ne bhi samajh rakha tha
Gham-e-dauraan se juda hai, gham-e-jaanaan, jaanaan

Ab ke kuch aisi saji mehfil-e-yaaraan jaana
Sar-ba-zaanu hai tou koi sar-ba-giraibaan jaanaan

Har koi apni hi aawaaz se kaamp uthta hai
Har koi apney hi saaey sey hiraasaan jaanaan

Jis ko dekho wohi zanjeer-bapa lagta hai
Sheher ka sheher hua daakhil-e-zindaan jaanaan

Ab tera zikar bhi shaayad hi ghazal mein aaey
Aur se aur hua dard ka unwaan jaanaan

Hum ke roothi hui rut ko bhi mana lete thay
Hum ne dekha hi na tha mausam-e-hijraan jaanaan

Hosh aaya tou abhi khuaab thay raizaa-raizaa
Jaisey urtay huey auraaq-e-paraishaan jaanan

Ab Ke Rut Badli Tou Khushboo Ka Safar Dekhe Ga Kaun - Ahmed Faraz

Ab ke rut badli tou khushboo ka safar dekhe ga kaun
Zakhm phoolon ki tarah mehkein gey par dekhe ga kaun

Dekhna sab raqs-e-bismil mein magan ho jaein gey
Jis taraf se teer aaey ga udhar dekhey ga kaun

Wo hawas ho, ya wafa ho, baat mehroomi ki hai
Log tou phal phool dekhin gey, shajar dekhey ga kaun

Hum chiraagh-e-shab hi jab thehrey tou phir kia sochna
Raat thi kis ka muqaddar, aur sahar dekhe ga kaun

Aa faseel-e-sheher se dekhin ghaneem-e-sheher ko
Sheher jalta ho tou tujh ko baam par dekhe ga kaun

Ab Ke Hum Bichrey Tou Shayad Kabhi Khuaabon Mein Milein - Ahmed Faraz

Ab k hum bichrey tou shayad kabhi khuaabon mein milein
Jis tarah sookhey huey phool kitaabon mein milein

Dhoond ujrey huey logon mein wafa k moti
Ye khazaaney tujhe mumkin hai kharaabon mein milein

Gham-e-duniyaa bhi gham-e-yaar mein shaamil kar lo
Nasha barhta hai sharaabein jo sharaabon mein milein

Aaj hum daar pe khainchey gaey jin baaton par
Kia ajab kal wo zamaanon ko nisaabon mein milein

Ab na wo mein hun, na tu hai, na wo maazi hai Faraz
Jaise do shakhs tammanna ke saraabon mein milein

Aankh Se Duur Na Ho, Dil Se Utar Jaaey Ga - Ahmed Faraz

Aankh se duur na ho, dil se utar jaaey ga
Waqt ka kia hai, guzarta hai, guzar jaaey ga

Itna maanoos na ho, khilwat-e-gham se apni
Tu kabhi khud ko bhi dekhe ga tou dar jaaey ga

Tum sar-e-raah-e-wafa dekhte reh jaao gey
Aur wo baam-e-rafaaqat se utar jaaey ga

Zindagi teri ataa hai tou ye jaaney waala
Teri bakhshish teri dehleez pe dhar jaaey ga

Doobtey doobtey kashti tou uchaala dey dun
Main nahi, koi tou saahil pe utar jaaey ga

Zabt laazim hai magar dukh hai qayaamat ka Faraz
Zaalim ab ke bhi na rooey ga tou mar jaaey ga

Aashiqi Bey-Dili Se Behtar Hai - Ahmed Faraz

Aashiqi bey-dili se mushkil hai
Phir mohabbat usi sey mushkil hai

Ishq aaghaaz hi sey mushkil
Sabr karaana abhi se mushkil hai

Hum aasaan hein, aur hamaarey liye
Dushmani dosti se mushkil hai

Jis ko sab bey-wafa samajhtey hon
Bey-wafaai usi se mushkil hai

Aik ko dusrey se sehel na jaan
Har koi har kisi se mushkil hai

Tu ba-zid hai tou ja Faraz magar
Waapsi us gali se mushkil hai

Ghar Jab Bana Liya Hai Mere Dar Par Kahey Baghair - Mirza Ghalib

Ghar jab bana liya hai mere dar par kahey baghair
Jaaney ga ab bhi tu na mera ghar kahey baghair

Kehtey hein jab raahi na mujhe taaqat-e-sukhan
Jaanoon kisi ke dil ki main kiun kar, kahey baghair

Kaam us se aa para hai ke jis ka jahana mein
Levey na koi naam sitamgar kahey baghir

Choorunga main na us but-e-kaafir ko poojna
Chorey na khalq go mujhe kaafir kahey baghair

Maqsad hai naaz-o-ghamza waaley guftagu mein kaam
Chalta nahi hai dashna-o-khanjar kahey baghair

Ha-chund ho mushaahida-e-haq ki guftagu
Banti nahi hai badaa-o-saaghir kahey baghiar

Behraa hun main tou chaahiye doona ho iltafaat
Sunta nahi hun baat muqarrar kahey baghair

Ghalib na kar huzoor mein tu baar baar arz
Zaahir hai tera haal sab un par, kahey baghir

Ghar Hamaara Jo Na Rotey Bhi, Tou Veeraan Hota - Mirza Ghalib

Ghar hamaara, jo na rotey bhi tou veeraan hota
Behr gar Behr na hota tou bayaabaan hota

Tundi-e-dil ka gilaa kia, ye wo kaafir dil hai
Ke agar tung na hota tou pareshaan hota

Baad-e-yak umr-e-waraa, baar tou deta baarey
Kaash Rizwaan hi dar-e-yaar ka darbaan hota

Ghair Lein Mehfil Mein Bosey Jaam Ke - Mirza Ghalib

Ghair lein mehfil mein bosey jaam ke
Hum rahein yun tashnaa-lub paighaam ke

Khastagi ka tum se kia shikwa ke ye
Huth-kandey hein charkh-e-neeli-faam ke

Khat likhein gey garchey matlab kuch na ho
Hum tou aashiq hein tumhare naam ke

Raat pi zam-zam pe mae aur subh-dum
Dhoey dhabbey jaamaa-e-ahraam ke

Dil ko aankhon ne phansaaya kia magar
Ye bhi halqay hain tumharey daam ke

Shaah ke hay ghusl-e-sehat ki khabar
Dekhiye din kab phiren hammaam ke

Ishq ne Ghalib nikamma kar diya
Warna hum bhi aadmi thay kaam ke

Gaee Wo Baat Ki Ho Guftagu Tou Kiun Kar Ho - Mirza Ghalib

Gaee wo baat ki ho guftagu tou kiun kar ho
Kaheen se kuch na hua, phir kaho tou kiun kar ho

Hamarey zehen mein is fikar ka hai naam visaal
Ke gar na ho tou kahan jaaein, ho tou kiun kar ho

Adab hai aur yahee kash-makash tou kia ki jiye
Hayaa hai aur yahee go-mago tou kiun kar ho

Tumhi kaho k guzaara sanam-paraston ka
Butoon ki ho agar aisi hi khoo tou kiun kar ho

Ulajhtey ho tum agar dekhtey ho aaina
Jo tum se sheher mein ho aik, do tou kiun kar ho

Jisey naseeb ho roz-e-siyaah mera saa
Wo shakhs din na kahey raat ko, tou kiu kar ho

hamein phir un se ummeed aur unhein hamaari qadr
Hamaari baat hi puchey na wo tou kiun kar ho

Ghalat na tha hamein khat par gumaan tassalli ka
Na maaney deeda-e-deedaar jun tou kiun kar ho

Bataao us mishaa ko dekh kar ho mujh ko qaraar
Ye naish ho rag-e-jaan mein faro tou kiun kar ho

Mujhe junoon nahi Ghalib, waley baqaul-e-huzoor
Firaaq-e-yaar mein taskeen ho tou kiun kar ho

Aik AIk Qatrey Ka Mujhe Dena Para Hisaab - Mirza Ghalib

Aik aik qatrey ka mujhe dena para hisaab
Khoon-e-jigar wadiyyat-e-mishgaan-e-yaar tha

Ab main hun aur maatam-e-yak Shahar-e-aarzoo
Torra jo tu ne aaina, timasaal daar tha

Galiyon mein meri naash ko khainchey phiro ke main
jaan-daad-e-hawa-e-sar-e-rahguzaar tha

Mauj-e-sharaab-e-dasht-e-wafa ka na puuch haal
Har zarra misl-e-johar-e-teg aab-daar tha

Kam jaantey thay hum bhi gham-e-ishq ko par ab
Dekha tou kam huey, pa gham-e-rozgaar tha

Diya Hai Dil Agar Us Ko, Bashar Hay Kia Kahiye - Mirza Ghalib

Diya hai dil agar us ko, bashar hai kia kahiye
Hua raqeeb hai tou ho, naamabar hai kia kahiye

Ye zidd key aaj naa aavey aur aaey bin na rahey
Qazaa se shikwa hamein kis qadar hai kia kahiye

Rahey hein yuun gaah-o-begaah ke koo-e-dost ko ab
Agar na kahiye ke dushman ka ghar hai, kia kahiye

Zah-e-karishma ke yun dey rakha hai hum ko faraib
Ke bin kahey hi unhein sab khabar hai kia kahiye

Samajh ke kartey hein bazaar mein wo pursish-e-haal
Ke ye kahey ke sar-e-rahguzar hai kia kahiye

Kahaa hai kis ne ke Ghalib bura nahi lekin
Siwaaey is ke, ke aashufta-sar hai, kia kahiye

Dil Se Teri Nigaah Jigar Tak Utar Gai - Mirza Ghalib

Dil se teri nigaah jigar tak utar gaee
Donon ko ik adaa mein raza-mund kar gaee

Shaq ho gaya hai seena khushaa lazzat-e-faraagh
Takleef-e-pardah-daari-e-zakhm-e-jigar gaee

Wo badaa-e-shabaana ki sar-mastiyaan
Uthiye bas ab ke lazzat-e-khuaab-e-seher gaee

Urti phirey hai khaak meri koo-e-yaar mein
Baarey ab aai hawa, hawas-e-baal-o-par gaee

Dekho tou dil-faraibi-e-andaaz-e-naqsh-e-paa
Mauj-e-khiraam-e-yaar bhi kia gul katar gaee

Har bulahawas ne husn-parasti shu'aar ki
Ab aabroo-e-shiva-e-ahl-e-nazar gaee

Nazaarey ne bhi kaam kiya waan naqaab ka
Masti se har nigaah tere rukh par bikhar gaee

Farda-o-deen ka tafarruqa yak-baar mitt gaya
Kal tum gaey k hum pe qayaamat guzar gaee

Maara zamaaney ne Asad Ullah Khan tujhe
Wo walwaley kahaan, wo jawaani kidhar gaee

Dil Hi Tou Hai Na Sung-o-Khisht, Dard Se Bhar Na Aaey Kiun - Mirza Ghalib

Dil hi tou hai, na sung-o-khisht, dard se bhar na aaey kiun
Roein gey hum hazaar baar, koi hamein sataaey kiun

Dair nahi, haram nahi, dar nahi, aastaan nahi
Baithey hein reh-guzar pe hum, ghair hamein uthaaey kiun

Jab wo jamaal-e-dil-afroz, surat-e-mehr-e-miroz
Aap hi ho nazaara-soz, pardey mein munh chupaaey kiun

Dashna-e-Ghamza jaan-sitaan, naawak-e-naaz bey-panaah
Tera hi aks-e-rukh sahi, samney tere aaey kiun

Qaiyd-e-hayaat-o-bund-e-gham, asal mein donon aik hein
Maut se pehle aadmi, gham se nijaat paaey kiun

Husn aur us pe husn-e-zan, reh gai bulahawas ki sharm
Apne aitamaad hai, ghair ko aazmaaey kiun

Waan wo ghuroor-e-izz-o-naaz, yaan ye hijaab-e-paas waz'aa
Raah mein hum milein kahaan, bazaar mein wo bulaaey kiun

Ghalib-e-khasta k baghair, kaun se kaam bund hein
Rooiyye zaar zaar kia, ki jiye haaey haaey kiun

Dhota Hun Jab Main Peeney Ko - Mirza Ghalib

Dhota hun jab main peeney ko us seematan k paaun
Rakhta hai zidd se khainck kar bahar lagan k paaun

Di saadagi se jaan parun koh-kan ke paaun
Hain hath kiun na toot gaye peerazaan k paaun

Bhaagey thay hum bohot, so usi ki saza hai ye
Ho kar aseer dabaatey hein raah-zan k paaun

Marham ki justajoo mein phira hun jo duur duur
Tan se siwaa-figaar hein iss khasta-tan k paaun

Allah rey zauq-e-dastan wardi ke ba'ad-e-marg
Hiltey hein khud-ba-khud mere andar kafan ke paaun

Hai josh-e-gul bhaar mein, yaan tak k har taraf
Urtey huey ulajhtay hein murgh-e-chaman k paaun

Shab ko kisi k khuaab mein aaya na ho kahin
Dukhte hein aaj us but-e-naazuk-badan k paun

Ghalib mere kalaam mein kiun kar maza na ho
Peeta hun Khusroo-e-shireen-sukhan k paaun

Daaem Para Hua Tere Dar Par Nahi Hun Mein - Mirza Ghalib

Daaem para hua tere dar par nahi un main

Khaak aisi zindagi pe ke pat-thar nahi hun main

Kiun gardish-e-madaam se ghabraa na jaey dil

Insaan hun, pyaala-o-saaghir nahi hun main

Yaa Rab, zamaana mujh ko mitaata hai kis liye

Lauh-e-jahaan pe harf-e-mukarrar nahi hun main

Hud caahiye saza mein aqoobat ke waastey

Aakhir gunaahgaar hun, kaafir nahi hun main

Rakhte ho tum qadam meri aankhon se kiun daraigh

Rutbey mein mahr-o-maah se kamtar nahi hun main

Karte ho mujh ko manaa-e-qadam-bos kis liye

Kia aasmaan ke bhi baraabar nahi main

Ghaalib wazeefa-khuar ho, do saakh ko dua

Wo din gaey ke kehtay thay "Naukar nahi hun main"

Chahiye Achon Ko Jitna Chahiye - Mirza Ghalib

Chahiye achon ko jitna chahiye
Ye agar chaahein tou phir kia chahiye

Sohbat-e-rindaan se waajib hay hazar
Jaa-e-mae apney ko khaincha chaahiye

Chahney ko tere kia samjhaa tha dil
Baarey ab si se bhi samjha chaahiye

Chaahney ko tere kia samjha tha dil
Baarey ab is se bhi samjha chahiye

Chaak mat kar jaib bhi, aiyyaam-e-gul
Kuch udhar ka bhi ishaara chaahiye

Dosti ka pardah hai baigaanagi
Munh chupaana ham se chorra chaahiye

Duhmani mein meri, khoya ghair ko
Kis qadar dushman hai dekha chaahiye

Apni ruswaai mein kia chalti hai sa'ee
Yaar ki hangaama-aari chaahiye

Munhashir marne pe ho jis ki ummeed
Na-ummeedi us ki dekha chaahiye

Ghaafil inn mahtal'aton k waastey
Chaahney wala bhi acha chaahiye

Chaahtey hein khoobroo'on ko Asad
Aap ki soorat ko dekha chaahiye

Be-Aitadaaliyon Se Subak Sab Mein Hum Huey - Mirza Ghalib

Be-Aitadaaliyon se subak sab mein hum huey
Jitne ziyaada ho gaye utney hi kam huey

Pinhaan tha daam sakht qareeb aashiyaan ke
Urney na paaey thay ke gireftaar hum huey

Hasti hamari apni fanaa par daleel hai
yaan tak mittey ke aap ham apni qasam huey

Teri wafa se kia ho talaafi ki dahar mein
Tere siwa bhi hum pe bohot sey sitam huey

Likhtey rahey junoon ki hikaayaat-e-khoon-chakaan
har-chund iss mein haath hamarey qalam huey

Allah re teri tundi-e-khoo, jis k beem se
Azza-e-naala dil mein mere rizq-e-hum huey

Ahl-e-hawas ki fatah hai tark-e-nabard-e-ishq
Jo paaun uth gaey wohi un k alam huey

Naal-e-adam mein chand hamare sapurd thay
Jo waan na khinch sakey so wo yahan aa ke dum huey

Chori Asad na hum ne gadaai mein di-lagi
Saa'il huey tou aashiq-e-ahl-e-karam huey

Bohot Sahi Gham-e-Geeti Sharaab Kam Kia Hai - Mirza Ghalib

Bohot sahi gham-e-geeti sharaab kam kia hai
Ghulaam-e-saaqi-ekausar hun mujh ko gham kia hai

Tumhari tarz-o-rawish jaantey hein ham kia hai
Raqeeb par hai agar lutf tou sitam kia hay

Sukhan mein khaamaa-e-Ghalib ki aatish-afshaani
Yaqeen hai hum ko bhi lekin ab us mein dum kia hai

Baazeecha-e-Atfaal Hai Duniya Mere Aagey - Mirza Ghalib

Baaeecha-e-atfaal hai duniyaa mere aagey
Hota hai shab-o-roz, tamaasha mere aagey

Ik khel hai aurang-e-sulaimaan mere nazdeek
Ik baat hai aijaaz-e-maseeha mere aagey

Juz naam nahi soorat-e-aalaam mujhe manzoor
Juz wehem nahi nastee-e-ashiyaa mere aagey

Hota hai nehaan gard mein sehraa mere hotey
Ghitaa hai jabeen khaak pe dariyaa mere aagey

Mat puch ke kia haal hai mera tere peechey
Tu dekh k kia rung hai tera mere aagey

Sach kehte ho khud-been-o-khud-araa hun na kiun hun
Baitha hai but-e-aaina seema mere aagey

Phir dekhiye andaaz-e-gul-afshaani-e-guftaar
Rakh dey koi paimaana-e-sahba mere aagey

Nafrat ka gumaan guzrey hai, mein rashk se guzraa
Kiun kar kahun lo naam na us ka mere aagey

Hai mauj-zan ik qulzum-e-khoon, kaash yahi ho
Aata hai abhi dekhiye kia kia mere aagey

Go haath ko jumbish nahi, aankhon mein tou dum hai
Rehney do abhi saagar-o-meena mere aagey

Hum-paisha-hum-mashrab-o-hum-raaz hai mera
Ghalib ko bura kiun kaho, acha mere aagey

Aamon Ki Tareef Mein Masnawi - Mirza Ghalib

Han dil-e-dard-mund zamzama saaz
Kiu na kholey dar-e-khazeena-e-raaz

Khammey ka safhey par ravaan hona
Shaakh-e-Gul ka hai gul-fishaan hona

Mujh se kia poochta hai kia likhiye
Muqta-haaey khirad-fishaan likhiye

Barey aamon ka kuch bayaan ho jaaey
Khaama nasl-e-ratab-fishaan ho jaeaey

Aam ka kaam mard-e-maidaan hai
samar-o-shaakh, goov-o-chaughaan hai

Taak ke jee mein kiun rahey armaan
Aaey, ye guvi aur ye maidaan

Aam ke aagey paish jaawey khaak
Phorata hai jaley phapholey taak

Na chala jab kisi tarah maqdoor
Badaa-e-naab ban gaya angoor

Ye bhi naa chaar jee ka khona hay
Sharm se paani paani hona hai

Mujh se pucho, tumhein khabar kia hay
Aam k aagey naishakar kia hay

Na gul uss mein, na shaakh-o-burg, na baar
Jab khizaan aaey, tab ho us ki bahaar

Aur do-daai qayaas kahan
jaam-e-shireen mein ye mithaas kahan

Jaam mein hoti gar ye shireeni
'Kohakan' bewujood-e-ghamgeeni

Aamad-e-Khat se Hua Hai Sard Jo Bazaar-e-Dost - Mirza Ghalib

Aamad-e-khat se hua hai sard jo bazaar-e-dost
Dood-e-sham-e-kushtaa tha shayad khat-e-rukhsaar-e-dost

Aey dil naa aaqibat andesh, zabt-e-shauq kar
Kaun laa sakta hai taa-e-jalvaa-e-dildaar-e-dost

Khaana veeraan, saazi-e-hairat tamaasha ki jiye
Soorat-e-naqsh-e-qadam hun rasfta-e-raftaar-e-dost

Ishq mein bey-daa-e-rashq-e-ghair ne maara mujhe
Kushtaa-e-dushman hun aakhir, garcha tha beemaar-e-dost

Chashm-e-maey roshan, k us bey-dard ka dil shaad hai
Deeda-e-pur-khoon hamara, sagar-e-sarshaar-e-dost

Aaina Kiun Na Dun K Tamaasha Kahein Jisey - Mirza Ghalib

Aaina kiun na dun k tamaasha kahein jisey
Aisa kahan se laaun ke tujh sa kahein jisey

hasrat ne laa rakha teri bazm-e-khayaal mein
Guldasta-e-nigaah suweeda kahein jisey

Phoonka hai kis ne gosh-e-mohabbat mein aey Khuda
Afsoon-e-intezaar tamanna ahein jisey

Sar par hujoom-e-dard-e-ghareebi se daaliye
Wo aik musht-e-khaak ka sahara kahein jisey

Hai chashm-e-tar mein hasrat-e-dildaar se nihaan
Shauq-e-inaan gusekhta daryaa kahein jisey

Darkaar hay shiguftan-e-gul haaey aish ko
Subh-e-bahar paanbaa-e-meenaa kahein jisey

Ghalib buraa na main, jo waaiz bura kahey
Aisa bhi koi hai k sa acha kahein jisey

Aah Ko Chahiye Ik Umar Asar Honey Tak - Mirza Ghalib

Aah ko chaahiye ik umar asar honey tak
kaun jeeta hay teri zulf ke sar honey tak

Daam har mauj mein hai halqa-e-sud kaam neheng
Dekhein kia guzrey hai qatrey pe gohar honey tak

Aashiqui sabr-talab aur tamanna bekaar
Dil ka kia rung karun, khoon-e-jigar honey tak

Hum ne maana ke taghaaful na karo gey lekin
Khaak ho jaein gey hum tum khabar honey tak

Partaw-e-Khoor se hai shabnam ko fanaa ki taaleem
Main bhi hun aik inaayat ki nazar honey tak

Gham-e-hasti ka Asad, kis se ho juz marg-e-ilaaj
Sham'aa har rung mein jalti hay sahar honey tak

Aa Ke Meri Jaan Mein Qaraar Nahi Hai - Mirza Ghalib

Aa ke meri jaan mein qaraar nahi hai
Taaqat-e-bedaad-e-intezaar nahi hai

Detey hein jannat hayaat-e-deher k badley
Nasha ba-andaaz-e-khumaar nahi hai

Giriyaa nikaaley hai teri bazm se mujh ko
Haaey! ke roney pe ikhtiyaar nahi hai

Hum se abas hay gumaan-e-ranjish-e-khaatir
Khaak mein ush'shaaq ki ghubaar nahi hai

Dil se utha lutf-e-jalwa haaey ma'aani
Ghair-e-gul aaina-e-bahaar nahi hai

qatal ka mere kiya hai ahad tou baarey
Waaey, agar ahad ustawaar nahi hai

Tu ne qasam mae-kashi ki khaai hay Ghalib
Teri qasam ka kuch aitabaar nahi hai

Kabhi Naiki Bhi Us Ke Jee Mein Aa Jaye Hai Mujh Se - Mirza Ghalib

Kabhi naiki bhi us ke jee mein aa jaey hai mujh se
Jafaaein kar k apni yaad sharma jaaye hay mujh se

Khudara jazba-e-dil ki magar taseer ulti hay
Ke jitna khainchata hun, aur khaincha jaaye hai mujh se

Wo baad-e-khoo aur meri daastaan-e-ishq toolaani
Ibarat mukhtasar, qaasid bhi ghabra jaaye hai mujh se

Udhar wo bud gumaani hay, idhar ye naa tawaani hay
Na pucha jaaye hai us se, na bola jaaye hay hum se

Sambhalney dey mujhe aey naa ummeedi, kia qayaamat hai
Ke daamaan-e-khayaal-e-yaar chuuta jaayre hai mujh se

Takalluf bartaraf, naazaaragi mein bhi sahi, lekin
Wo dekha jaaye, kab ye zulm dekha jaaye hai mujh se

Huey hein paaun hi pehlay nabard-e-ishq mein zakhmi
Na bhaga jaaye hai mujh se, na thehra jaaye hay ,mujh se

Qayamat hay k howe muddai ka humsafar Ghalib
Wo kaafir hay, khuda ko bhi naa sompaa jaye hai mujh se.

Jaur Se Baaz Aaein Par Baaz Aaein Kiun - Mirza Ghalib

Jaur se baaz aaein par baaz aaein kiun
Kehtay hen hum tum ko munh dikhlaaein kiun

Raat din gardish mein hein saat aasmaan
Ho rahey ga kuch na kuch ghabraaein kia

Laag ho tou us ko hum samjhein lagaaw
Jab na ho kuch bhi, tou dhoka khaaein kia

Ho liye kiun naama bar k sath sath
Yaa Rab apne khat ko hum puhunchaaein kia

Mauj-e-Khoon sar sae guzar hi kiun na jaaey
Aastaan-e-yaar se uth jaaein kia

Umar bhar dekha kiye marne ki raah
Mar gaey par dekhiye dikhlaaein kia

Puchtey hein wo k Ghalib kaun hay
Koi batlaao k hum batlaaein kia

Gham-e-Dunya Se Gar Paai Bhi Fursat Sar Uthaaney ki - Mirza Ghalib

Gham-e-dunya se gar paai bhi fursat sar uthaaney ki
Falak ka dekhna taqreeb tere yaad aaney ki

Khulega kis tarah mazmoon mere maktab ka yaaro
Qasam khaai hay us kaafir ne kaghaz k jalaaney ki

Lipatna paraaniyaan mein shola-e-aatish ka asaan hay
Wale mushkil hay hikmat dil mein soz-e-gham chupaaney ki

Yun hi manzoor apne zakhmiiyon ka dekh aana tha
Uthey thay sair-e-gul ko dekhna shokhi bahaney ki

Hamari saadagi thi iltifaat-e-naaz par marna
Tera aana na tha zaalim, magar tamheed jaaney ki

Laqad kob-e-hawaadis ka tahammul kar nahi sakti
meri taaqat, ke zaamin thi buton k naaz uthaaney ki

Kahun kia khoobi-e-auzaag-e-ibna-e-zamaan Ghalib
Bari ki us ne, jis se hum ne ki thi baaraha naiki

Muddat Hui Hay Yaar Ko Mehmaan Kiye Huey - Mirza Ghalib

Muddat hui hay yaar ko mehmaan kiye huey
Josh-e-qadah se bazm charaaghaan kiye huey

Karta hun jama phir jigar-e-lakh-lakht ko
Arsaa hua hay daawat-e-mizshgaan kiye huey

Phir waza-e-ehtiyaat se rukne laga hai dum
Barson huey hein chaak girebaan kiye huey

Phir garm naala haaey, sharar baar hay nafas
Muddat hui hay sair-e-charaaghaan kiye huey

Phir pursish-e-jarahat-e-dil ko chalaa hay ishq
Samaan-e-sud-hazaar namak-daan kiye huey

Phir bhar raha hun khaana-e-mizshgaan ba-khoon-e-dil
Saaz-e-chaman-taraazi-e-damaan kiye huey

Bahin digar huey heni dil-o-deeda phir raqeeb
Nazaara-o-khayaal ka samaan kiye huey

Dil phir tawaafe-koo-e-malaamat ko jaaey hai
Pindaar ka sanam kadah weeraan kiye huey

Phir shauq kar raha hai khareedaar ki talab
arz-e-mataa-e-aql-o-dil-o-jaan kiye huey

Daurey hai phir har aik gul-o-laala par khayaal
Sud gul sitaan nigaah ka samaan kiye huey

Phir chaahta hun namaa-e-dildaar kholna
Jaan nazr-e-dil Ferobi-e-unwaan kiye huey

Maangey hai phir kisi ko lub-e-baam par hawas
Zulf-e-siyaah rukh pe paraishaan kiye huey

Chaahey ksi ko phir muqaabil mein aarzuu
Surmey se taiz dashnaa-e-mizshgaan kiye huey

Ik nau bhaar-e-naaz ko taakey hay phir nigaah
Chehra furoogh-e-mae se gulistaan kiye huey

Phir jee mein hay ke dar pe kisi k parey rahein
sar zar bar-e-minnat-e-darbaan kiye huey

Jee dhundta hai phir wohi fursat ke raat din
Bethay rahein rasawwur-e-jaanaa kiye huey

Ghalib hamein na chair, k phir josh-e-ashq se
Bethay hein hum tahaiyya-e-tuufaan kiye huey

Na Tha Kuch Tou Khuda Tha, Kuch Na Hota Tou Khuda Hota - Mirza Ghalib

Na tha kuch tou Khuda tha, kuch na hota tou Khuda hota
Daboya mujh ko honey ney, na hota main tou kia hota

Hua jab gham se yun bey hiss tou gham kia sar k kataaney ka
Na hota gar juda tun se, tou zaanon par dhara hota

Hui muddat k Ghalib mar gaya, par yaad aata hay
Wo har ik baat par kehna, ke yun hota tou kia hota

Nahi Hoga Yak Bayaabaan Maandagi Se Zauq Mera - Mirza Ghalib

Nahi hoga yak bayaabaan maandagi se zauq mera
Hubaab-e-mauj-e-raftaar hai, naqsh-e-qadam mera 

Mohabbat thi chaman se lekin ab ye bey dimaaghi hay
Ke mauj-e-boo-e-gul se naak mein aata hai dum mera

Nahi Ke Mujh Ko Qayaamat ka Aitaqaad nahi - Mirza Ghalib

Nahi ke mujh ko qayamat ka aitaqaad nahi
Shab-e-firaaq se roz-e-jazah ziyaad nahi

Koi kahey k shab-e-mah mein kia buraai hai
Bala se aaj agar din ko abr-o-baad nahi

Jo aaun saamney un ke, tou marhaba na kahein
Jo jaun waan se kahin ko, tou kherbaad nahi

Kabhi jo yaad bhi aata hun main tou kehte hein
Ke aaj bazm mein kuch fitnaa-o-fasaad nahi

Alawa Eid k milti hai aur din bhi sharaab
Gada-e-koocha-e-maikhaana naamuraad nahi

Jahan mein ho gham-o-shaadi baham, hamen kia kaam
Diya hay hum ko khuda ne wo dil k shaad nahi

Tum un k waadey zikar un se kiun karo Ghalib
Ye kia ke tum kaho aur wo kahein k yaad nahi

Dost Gham Khuari Mein Meri Sa'ee Farmaein Gey Kia - Mirza Ghalib

Dost Gham khuari mein meri sa'ee farmaein gey kia
Zakhm k bharney talak naakhun na barh jaaein gey kia

Bey niazi hudd se guzri banda parwar kab talak
Hum kahein gey haal-e-dil aur aap farmaaein gey kia

Hazrat-e-naaseh gar aaein deedah-e-dil farsh-e-raah
Koi mujh ko ye tou samjha do k samjhaaein gey kia

Aaj waan tegh-o-kafan baandhey huey jaata hun main
Uzr mera qatl karne mein wo ab laaein gey kia

Gar kiya naaseh ne hum ko qaeid, acha yun sahi
Ye junoon-e-ishq k andaaz chutt jaeingey kia

Khaana zaad-e-zulf hein, zanjeer se bhaagein gey kia
Hein giraftaar-e-wafa zindaan se ghabraaein gey kia

Hai ab is maamoor mein qehat-e-gham-e-ulfat Asad
Hum ne ye maana ke Dilli mein rahein, khaaein gey kia

Donon Jahan Dey Ke Wo Samjhe Ye Khush Raha - Mirza Ghalib

Donon jahan dey ke wo samjhey ye khush raha
Yaan pari ye sharm ki takraar kia karein

Thak thak k har maqaam pe do chaar reh gaey
Tera pata na paaey tou naachaar kia karein

Kia Shamma ke nahi hein hawa khuaah ehl-e-bazm
Ho ghum hi jaan gudaaz tou gham khuar kia kaey

Kiun Kar Us But Se Rakhun Jaan Aziz - Mirza Ghalib

Kiun kar us but se rakhun jaan aziz
Kia nahi ha mujhe imaan aziz

Dil se nikla pa na nikla dil se
Hai tere teer ka paikaan aziz

Taab laaey hi baney gi Ghalib
Baaqiya sakht hay aur jaan aziz

Dard Sey Mere Hai Tujh Ko Beqaraari Haaey Haaey - Mirza Ghalib

Dar se mere hai tujh ko beqaraari haey haey
Kia hua zaalim teri ghaflat ah'aari haey haey

Tere dil mein gar na tha aashob-e-gham ka hausla
Tu ne phir kiun ki thi meri gham-gusaari haey haey

Kiun meri gham-khuaragi ka tujh ko aaya tha khayaal
Dushmani apni thi meri dostdaari haey haey

Umar bhar ka tu ne paimaan-e-wafa baandha tou kia
umar bhar ko bhi tou nahi hay paaeydaari haey haey

Zeher lagti hay mujhe aab-o-hawwaa-e-zindagi
Yaani tujh se thi isay naa saazgaari haey haey

Gulfashaani haey naaz-e-jalwa ko kia hogaya
Khaak par hoti hay teri laala kaari haey haey

Sharm-e-ruswaai se jaa chupna naqaab-e-khaak mein
Khatm hay ulfat ki tujh par pardadaari haey haey

Khaak mein naamoos-e-paimaan-e-mohabbat mil gai
Uth gai dunya se raah-o-rasm-e-yaari haey haey

Hath hi tegh aazma k kaam se jata raha
Dil pe ik lagne la paaya zakhm kaari haey haey

Kis tarah kaatey koi shab haaey taar-e-barshigaal
Hai nazar khon karda-e-akhtar-shumaari haey haey

Gosh mahajoor-e-payaam-o-chashm mahrum-e-jamaal 
ek dil, tis par ye naa-ummeedwaari haey haey

Ishq ne pakra na tha Ghlalib abhi wahshat ka rung
Reh gaya tha dil mein jo kuch zauq-e-khuaari haey haey

Dil Mera Soz-e-Nehan Se Bey-Mohaaba Jal Gaya - Mriza Ghalib

Dil mera soz-e-nehan se bey-mohaaba jal gaya
Aatish-e-Khamosh k maanind goya jal gaya

Dil mein zauq-e-wasl-o- yaad-e- yaar tak baaqi nahi
Aag is ghar mein lagi aisi k jo thaa jal gaya

Main adam se bhi parey hun, warna ghaafil baaraha
Meri aah-e-aatasheen se baal-e-manqa jal gaya

Ar kijye johar-e-andaish ki garmi kahan
Kuch khayaal aaya tha wahshat ka, key sehara jal gaya

Dil nahi tujh ko dikhaata warna daaghon ki bahaar
Iss charaghaan ka karun kia, kaarfarma jal gaya

Mein hun aur afsurdagi ki arzoo Ghalib k dil
Dekhh kar tar-e-tapaak-e-ehl-e-duniya jal gaya

Arz-e-neyaaz-e-ishq k qaabil nahi raha - Mirza Ghalib

Arz-e-neyaaz-e-ishq k qaabil nahi raha
Jis dil pe naaz tha mujhe, wo dil nahi raha

Jaata hun daagh-e-hasrat-e-hasti liay huey
Hun Shamm-e-kushta, darkhur-e-mehfil nahi raha

Marne ki aey dil, aur hi tadbeer kar ke main
Shayaan-e-dast-o-baazu-e-qaatil nahi raha

Ba-roo-e-shaah jehat dar-e-aainabaaz hai
Yaan imtiaz-e-naaqis-o-qaamil nahi raha

Waa kar diye hein shauq ne, band-e-naqaab-e-husn
Ghair az nigaah ab koi haael nahi raha

Go main raha raheen-e-sitam haaey rozgaar
Lekin tere khayaal se ghaafil nahi raha

Dil se hawa-e-kisht-o-wafa mitt k waan
Haasil siwaaey hasrat-e-hasil nahi raha

Bedaad-e-ishq se nahi darta magar Asad
Jis dil pe naaz tha mujhe, wo dil nahi raha

Dil-e-Nadaan Tujhe Hua Kia Hay - Mirza Ghalib

Dil-e-nadaan tujhe hua kia hay
Aakhir iss dard ki dawa kia hay

Hum hain mushtaq aur wo bey zaar
Yaa Illaahi, ye majara kia hay

Main bhi munh mein zubaan rakhta hun
Kaash pucho k mudda'aa kia hay

Jab key tujh bin nahi koi mojood
Phir ye hungaama, aey Khuda kia hay

Ye pari-chehra log kaise hein
Ghamaza-o-Ishwa-o-adaa kia hay

Shikan-e-zulf-e-ambari kiun hay
Nigaah-e-chashm-e-surmaa saa kia hay

Sabza-o-gul kahan se aaey hein
Abr kia cheez hay, hawa kia hay

Hum ko un se wafa ki hai ummeed
Jo nahi jaantey, wafa kia hay

Han bhala kar, tera bhala hoga
Aur durwaish ki dua kia hay

Jaan tum par nisaar karta hun
Main nahi jaanta dua kia hay

Main ne maana k kuch nahi Ghalib
Muft haath aaey tou bura kia hay

Dard Minnat Kash-e-Dawa Na Hua - Mirza Ghalib

Dar minnat kash-e-dawa na hua
Main na acha hu, bura na hua

Jama karaatey ho kiun raqeebon ko
Ik tamaasha hua, gila na hua

Ham kahan qismat aazmaaney jaaein
Tu hi ka khanjar aazma na hua

Kitne sheereen hain tere lub kay raqeeb
Gaaliyaan kha k bey mazaa na hua

Hai khabar garm, un k aney ki
Aaj hi ghar mein briya na hua

Kia wo Namrood ki khudaai thi
Bandagi mein mera bhala na hua

Jaan di, di hui usi ki thi
Haq tou yun hai k haq adaa na hua

Zakhm gar dab gaya, lahoo na thama
Kaam gar ruk gaya, rawa na hua

Rah zani hay, k dil-sitaani hay
Ley k dil, dil-sitaan rawa na hua

Kuch tou parhiye, k log kehte hain
Aaj Ghali ghazal-sara na hua.

Koi Umeed Bar Naheen Aati - Mirza Ghalib

Koi ummeed bar nahin aati
Koi soorat nazar nahi aati

Maut ka aik din mauai-yin hay
Neend kiun raat bhar nahhi aati

Aagey aati thi haal-e-dil pe hansi
Ab kisi baat par nahi aati

Jaanta hun sawaab-e-taa'at-o-zohod
Par tabiat udhar nahi aati

Hai kuch aisi hi baat jo chup hun
Warna kia baat kar nahi aati

Kiun na cheekhoon k yaad kartey hein
Meri awaaz gar nahi aati

Daagh-e-dil gar nazar nahi aata
Boo bhi aey charah gar nahi aati

Hum wahan hein jahan se hum ko bi
Kuch hamari khabar nahi aati

Marte hain aarzoo mein marne ki
Maut aati hay, par nahi aati

Kaabah kis munh se jao gey Ghalib?
Sharam tum ko magar nahi aati